ଅନୁଗୁୁଳ ଜିଲ୍ଲାରେ କାର୍ଯ୍ୟରତ ଥାନା ଅଧିକାରୀସ୍ତରରେ ଅଦଳବଦଳ କରା ଯାଇଛି । ପାଲଲହଡା ଓ ଆଠମଲ୍ଲିକ ଥାନାର ଅଧିକାରୀ ଦୁଇଜଣ ଅନ୍ୟ ଜିଲ୍ଲାକୁ ବଦଳି ହୋଇଥିବାରୁ ସେହି ଦୁଇଟି ପଦ ଖାଲି ରହିଥିଲା । ବଅଁରପାଳ ଥାନା ଅଧିକାରୀ ଇନ୍ସପେକ୍ଟର କନକ ମାଝୀଙ୍କୁ ପାଲଲହଡା ଥାନା ଅଧିକାରୀ ଓ ଛେଣ୍ଡିପଦା ଥାନା ଅଧିକାରୀ ପ୍ରିୟବ୍ରତ ଦାସଙ୍କୁ ଆଠମଲ୍ଲିକ ଥାନା ଅଧିକାରୀ ଭାବେ ବଦଳି କରା ଯାଇଛି । ଫୁଲବାଣୀ ଜିଲ୍ଲାରୁ ବଦଳି ହୋଇ ଆସିଥିବା ଇନ୍ସପେକ୍ଟର ସତ୍ୟବ୍ରତ ରାଉତଙ୍କୁ ଛେଣ୍ଡିପଦା ଥାନା ଅଧିକାରୀ ଭାବେ ଦାୟିତ୍ବ ଦିଆ ଯାଇଛି । ସମଲ ଥାନା ଅଧିକାରୀ ଇନ୍ସପେକ୍ଟର ସୁନିଲ କରଙ୍କୁ ବଅଁରପାଳ ଥାନା ଅଧିକାରୀଭାବେ ବଦଳି ଆଦେଶ ହୋଇଛି । ଆଠମଲ୍ଲିକ ଥାନାର ସବଇନ୍ସପେକ୍ଟର କ୍ଷୀତିସ ପାତ୍ରଙ୍କର ସମଲ ଥାନା ଓଆଇସି ଭାବେ ବଦଳି ହୋଇଛି । ସେହିପରି ଇନ୍ସପେକ୍ଟର ସ୍ତରରେ ପୋଲିସ ମୁଖ୍ୟାଳୟରୁ କଳାକାର ନାଏକଙ୍କୁ ଟ୍ରାଫିକ ଦାୟିତ୍ୱ , ଅମୁନସେନ କିରୋଙ୍କୁ ନାଲକୋ ଥାନା , ନାଲକୋ ଥାନାରୁ ଆଶିଷ ଜେନାଙ୍କୁ ବିକ୍ରମପୁର ଥାନା , ଓ ଡି. ମିଶ୍ରଙ୍କୁ ସାଇବର ସେଲକୁ ବଦଳି କରା ଯାଇଛି । ଏହାସହ ୭ ଜଣ ଏଏସଆଇଙ୍କର ବଦଳି କରା ଯାଇଥିବା ଜଣା ପଡ଼ିଛି ।
