ଗତ ସପ୍ତାହରେ ଅନୁଗୁଳ ବନଖଣ୍ଡର ଅନ୍ତୁଳିଆ ଓ ତାବଡ଼ା ଜଙ୍ଗଲରେ ଠାବ ହୋଇଥିବା ଅସୁସ୍ଥ ମାଈ ହାତୀ ଶେଷରେ ଆଖି ବୁଜିଛି। ଦୁଇ ଦିନ ତଳେ ବନ ବିଭାଗ ପକ୍ଷରୁ ଏହାର ଚିକିତ୍ସା ଆରମ୍ଭ ହୋଇଥିଲେ ମଧ୍ୟ ମଝିପଡ଼ା ଜଙ୍ଗଲରେ ସନ୍ଧ୍ୟାରେ ହାତୀର ମୃତ୍ୟୁ ହୋଇଛି । ଗତ ମାସରେ ପୋକଣ୍ଡା ଓ ସିଟିକାଇଲି ଅଞ୍ଚଳରେ ହାତୀଟି ଅସୁସ୍ଥ ହୋଇ ବୁଲୁଥିଲା । କିଛି ଦିନ ହେଲା ଅସୁସ୍ଥ ଅବସ୍ଥାରେ ଅନ୍ତୁଳିଆ ଜଙ୍ଗଲ ଓ ଟାଇଁସି ଜଙ୍ଗଲରେ ଏଣେତେଣେ ବୁଲୁଥିବା ବେଳେ ବରଗୋଠ ଗାଁ ନିକଟ ଜଙ୍ଗଲରେ ସ୍ଥାନୀୟ ଲୋକ ଦେଖି ବନବିଭାଗକୁ ସୂଚନା ଦେଇଥିଲେ । ହେଲେ ବିଳମ୍ବରେ ଗତ ସୋମବାର ହାତୀର ଚିକିତ୍ସା ଆରମ୍ଭ ହୋଇଥିଲା । ନିଶ୍ଚିତକ ଦିଆଯାଇ ସିଟିକୋଇଲା ଜଙ୍ଗଲରେ ହାତୀର ଚିକିତ୍ସା କରାଯାଇଥିଲା । କୌଣସି କାରଣରୁ ଯୌନାଙ୍ଗରେ କ୍ଷତ ହୋଇ ଘା’ ସଂକ୍ରମିତ ହୋଇଥିବା ବନବିଭାଗ ପକ୍ଷରୁ କୁହାଯାଇଥିଲା । ଇଂଜେକ୍ସନ୍ ଦେଇ ହାତୀର ଗତିବିଧି ଉପରେ ନଜର ରଖିଥିଲେ ବନ କର୍ମଚାରୀ ।
