ଆତଙ୍କବାଦୀ ହମଲାରେ ଓଡିଆ ଜବାନ ସହିଦ lସହିତ ଜବାନ ହେଲେ ଢେ଼ଙ୍କାନାଳ ଜିଲ୍ଲା କାମାକ୍ଷାନଗର ଥାନା ବଡ ସୁଆଁଳ ଗ୍ରାମର ଅଜିତ କୁମାର ସାହୁ l ଅଜିତ ରାଷ୍ଟ୍ରୀୟ ରାଇଫଲ ରେଜିମେଣ୍ଟ ୪୦ ନମ୍ବର ବାଟାଲିଅନ ରେ ସପ୍ଳାଇ ବିଭାଗରେ କାର୍ଯ୍ୟରତ ଥିଲେ l ଗତକାଲି ଶ୍ରୀନଗରରୁ ଅନନ୍ତନାଗ ସେନା ଗାଡିରେ ଯାଉଥିବା ସମୟରେ ରାତି ସମୟରେ ଆତଙ୍କବାଦୀମାନେ ବିସ୍ପୋରଣ କରି ସେନା ଗାଡିକୁ ଉଡେଇ ଦେଇଥିଲେ lଏହି ହମଲାରେ ୩ଜଣ ସହିଦ ହୋଇଥିବାବେଳେ ୮ ଆହାତ ହୋଇଛନ୍ତି l ଅଜିତ ସାହୁ ସମସ୍ତଙ୍କର ଅତି ପ୍ରିୟ ଥିଲେ , ବାପା ସନ୍ତୋଷ ସାହୁ ଓ ମା ଲିଲି ସାହୁଙ୍କ ୩ଟି ସନ୍ତାନ ମଧ୍ୟରୁ ଅଜିତ ଥିଲେ ଦ୍ବୀତିୟ ସନ୍ତାନ l୧୯୯୨ମସିହାରେ ଜନ୍ମଗ୍ରହଣ କରି ଗାଁ ସ୍କୁଲରୁ ପ୍ରଥମରୁ ହାଇସ୍କୁଲ ପାଠ ଶେଷକରି ଅଜିତ ମଠକରଗୋଳା କଲେଜ ପଢି ଗ୍ରାଜୁଏସନ ଶେଷକରି ୨୦୧୫ ରେ ସେନାବାହିନୀରେ ଯୋଗଦେଇଥିଲେ l ବାଙ୍ଗାଲୋରରେ ୧ବର୍ଷ ଟ୍ରେନିଙ୍ଗ୍ ସାରି କଲିକତାରେ ଚାକିରୀ ଜୀବନ ଆରମ୍ଭ କରିଥିଲେ l ୩ବର୍ଷ ପରେ କଲିକତାରୁ ତାଙ୍କର ଜମ୍ମୁକୁ ବଦଳି ହୋଇଥିଲା l
କଲିକତାରୁ ଜମ୍ମୁକୁ ବଦଳିହେବାପରେ ଅଜିତ ଜୁନ ୧ତାରିଖରେ ନିଜ ଗ୍ରାମ ବଡସୁଆଁଳକୁ ଆସିଥିଲେ ମାତ୍ର ୭ଦିନ ପାଇଁ lଗାଁରେ ଏହି ଛୋଟ ରହଣୀ ସମୟରେ ସେ ପ୍ରତ୍ୟେକ ସାଙ୍ଗ ସାଥିଙ୍କୁ ଭେଟିବା ସହ ବନ୍ଧୁ ବାନ୍ଧବ ଘରକୁ ଯାଇଥିଲେ l ସତେଯେପରି ସେ ଯାଣିପାରିଥିଲେ ଯେ ହୁଏତ ଆଉ ଫେରିବେନି କି କାହାକୁ ଦେଖିପାରିବେନି l ୯ତାରିଖରେ ଚାଲିଗଲେ ନିଜର କାଯ୍ୟସ୍ଥଳିକୁ ଭାରତମାତାର ସେବାକରିବାକୁ l
