ବାଲିଆପାଳ ଥାନା ଅଧୀନସ୍ଥ ଲଙ୍ଗଳେଶ୍ବର- ପଞ୍ଚୁପାଲି ରାସ୍ତା ର ମହାବଳା ଛକ ନିକଟରେ ସଡକ ଦୁର୍ଘଟଣାରେ ୨ ମୃତ,୨ ଆହତ। ସୂଚନା ଅନୁସାରେ ବସ୍ତା ଥାନା କଦଳୀହଣ୍ଡା ଗ୍ରାମ ର ଜଗନ୍ନାଥ ଗିରି ନିଜର ସ୍ତ୍ରୀ ଓ ପୁଅ, ଝିଅକୁ ନେଇ ବନ୍ଧୁ ଘର ବାହାଘର ଭୋଜି ଖାଇବାକୁ ବାଇକ( Honda SP, OD O1W -9462) ଯୋଗେ ଯାଉଥିଲେ।ମହାବଳା ନିକଟରେ ଆଗରେ ଯାଉଥିବା OR O6 E – 2700 ନମ୍ବର ଡମ୍ପର କୁ ଓଭରଟେକ କରିବା ସମୟରେ ବାଇକ ପଛରେ ବସିଥିବା ସ୍ତ୍ରୀ- ବାସନ୍ତୀ ଗିରି (୨୮), ଏବଂ ଝିଅ ମାମା (୩)ଗାଡିରୁ ପଡିଯାଇଥିଲେ।ତାଙ୍କ ଉପରଦେଇ ଡମ୍ପର ର ପଛ ଚକା ଚାପି ହୋଇଯାଇଥିଲା । ଘଟଣାସ୍ଥଳରେ ମା ,ଝିଅ ମୃତ୍ୟୁ ବରଣ କରିଥିବା ବେଳେ ବାପ ପୁଅ ଗୁରୁତର ଅଛନ୍ତି । ବାଲିଆପାଳ ପୋଲିସ ପହଞ୍ଚି ଶବ କୁ ଜବତ ସହ ଘଟଣାର ତଦନ୍ତ ଜାରି ରଖିଛି । ଡମ୍ପର ଡ୍ରାଇଭର ଫେରାର ରହିଛି ।
