ମୟୂରଭଞ୍ଜ ଜିଲ୍ଲାର ଵୈଶିଙ୍ଗା ବଜାର ରେ ଗହଣା ଦୋକାନରୁ ଲୁଟ ଉଦ୍ୟମ। ବୈଶିଙ୍ଗା ଥାନା ଠାରୁ ଅନତିଦୂରରେ ଥିବା ବିଶ୍ୱକର୍ମା ଜୁଏଲାରୀ ଦୋକାନରୁ ଲୁଟ ଉଦ୍ୟମ। ଲୁଟେରାମାନଙ୍କ ଆକ୍ରମଣରେ ଦୋକାନ ମାଲିକ ଧ୍ରୁବଚରଣ ମହାରଣା ଓ ତାଙ୍କର ପୁତ୍ର ରାମଚନ୍ଦ୍ର ମହାରଣା ଗୁରୁତର ଭାବେ ଆହତ। ଧ୍ରୁବଚରଣ ଙ୍କ ଜଙ୍ଘରେ ଗୁଳିମାଡ଼ ହୋଇ ଥିବା ବେଳେ ପୁତ୍ର ରାମଚନ୍ଦ୍ର ଏସିଡ ମାଡ଼ରେ ଆହତ ହୋଇଛନ୍ତି।୬ ଜଣ ଲୁଟେରା ଏହି ଲୁଟ ରେ ସାମିଲ ଥିଲେ। ସେମାନଙ୍କ ମଧ୍ୟରୁ ୩ ଜଣ ଲୁଟେରା ଙ୍କୁ ସ୍ଥାନୀୟ ଲୋକେ କାବୁ କରି ନେଇଥିଲେ। ସ୍ଥାନୀୟ ଜନସାଧାରଣ ଙ୍କ ଆକ୍ରମଣ ରେ ଏହି ଲୁଟେରା ମାନଙ୍କ ଅବସ୍ଥା ମଧ୍ୟ ଶୋଚନୀୟ ହୋଇପଡିଛି।ବୈଶିଙ୍ଗା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରଂଭ କରିଛନ୍ତି। ଲୁଟେରା ମାନଙ୍କ ଆକ୍ରମଣ ରେ ଆହତ ହୋଇଥିବା ବାପା ଓ ପୁଅ ଙ୍କୁ ଗୁରୁତର ଅବସ୍ଥାରେ ବାଲେଶ୍ବର ମେଡିକାଲ କଲେଜ ଓ ହସପିଟାଲ କୁ ନେଇଯାଇଛନ୍ତି। ବେତନଟୀ ଉପଖଣ୍ଡ ପୋଲିସ ଅଧିକାରୀ ଘଟଣାସ୍ଥଳରେ ପହଂଚି ବୈଶିଙ୍ଗା ପୋଲିସ ସହାୟତାରେ ତଦନ୍ତ ଆରମ୍ଭ କରିଛନ୍ତି।
