ଅନୁଗୁଳ ଜିଲ୍ଲା ଫୁଲପଡା ନିକଟରେ ଚଳନ୍ତା କାର ଉପରେ ଏକ ତାଳଗଛ ପଡିଯିବା ଫଳରେ କାରଟି ସଂପୂର୍ଣ୍ଣ ଚୁରମାର ହୋଇ ଯାଇଥିବା ବେଳେ ସୌଭାଗ୍ୟ ବଶତଃ କାରରେ ଥିବା ଗୋଟିଏ ପରିବାରର ୫ ସଦସ୍ୟ ବର୍ତ୍ତୀ ଯାଇଛନ୍ତି । ସୂଚନା ଅନୁସାରେ ପୁରୁଣା କଟକ ସମ୍ବଲପୁର ରାସ୍ତାରେ ଓଆର ୧୯ ଏମ ୬୩୦୦ କାରରେ ସ୍ଵାମୀ ସ୍ତ୍ରୀ ଏବଂ ୩ ସନ୍ତାନ ଆସୁଥିବା ବେଳେ ଫୁଲପଡା ନିକଟରେ ଏକ ତାଳଗଛ ତାଙ୍କ କାର ଉପରେ ପଡି ଯାଇଥିଲା । ଫଳରେ କାରର ସାମ୍ନା କାଚ ଭାଙ୍ଗିବା ସହ ଉପର ଛାତଟି ସଂପୂର୍ଣ୍ଣ ଦବି ଯାଇଥିଲା । ଆଗ ସିଟରେ ବସିଥିବା ମହିଳା ଜଣଙ୍କ ଏଥିରେ ସାମାନ୍ୟ ଆହତ ହୋଇଥିବା ବେଳେ ଅନ୍ୟ ମାନେ ସଂପୂର୍ଣ୍ଣ ସୁରକ୍ଷିତ ଥିଲେ ।
