ରାଉରକେଲା ସହରରେ ଏକ ଟ୍ରକ ଡକାୟତି ବେଳେ ଚକା ତଳେ ଆସି ଜଣେ ଡ଼କାୟତ ମୃତ୍ୟୁବରଣ କରିଥିବାବେଳେ ଅନ୍ୟ ଚାରି ଜଣ ଆହତ ହୋଇଛନ୍ତି ଓ ଜଣେ ଡକାୟତ ଫେରାର ହୋଇଯାଇଛି । ସୂଚନା ଅନୁଯାୟୀ ଡ୍ରାଇଭର ସନ୍ଦୀପ କୁମାର ଟ୍ରକ ନେଇ ଆସୁଥିବାବେଳେ ଦୁଇଟି ମୋଟର ସାଇକଲରେ ଛଅ ଜଣ ଡକାୟତ କିଲିଙ୍ଗା ଗାଁର ସନ୍ତୋଷ କୁଜୁର, ରାଜେଶ କୁଜୁର, ଆକାଶ ମିଞ୍ଜ, ସୋମା କୁଜୁର ଓ ଡୋଲାକୁଦର ମନୋଜ କୁମାର ଓ ଥୋମସ କୁଜୁର ବଗଡେଗା ଘାଟିରେ ଟ୍ରକର କାଚ ଭାଙ୍ଗି କୋଡିଏ ହଜାର ଟଙ୍କା ଲୁଟ କରିଥିଲେ ଓ ପରେ ସୋମକୁଜୁର ଟ୍ରକରୁ ଓହ୍ଲାଉଥିବାବେଳେ ଚକା ତଳେ ଚାପି ହୋଇଥିଲାବେଳେ ଅନ୍ୟ ପାଞ୍ଚ ଜଣ ମଧ୍ୟ ଟ୍ରକରୁ ପଡି ଆହତ ହୋଇଛନ୍ତି । ଏମାନଙ୍କ ମଧ୍ୟରୁ ଜଣେ ଫେରାର ଥିବା ଜଣାପଡିଛି । ଆହତ ଡକାୟତଙ୍କୁ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ବ୍ରାହ୍ମଣୀତରଙ୍ଗ ପୋଲିସ ଏକ ମାମଲା ରୁଜୁ କରି ତଦନ୍ତ କରୁଛି।
