ପଶ୍ଚିମ ଓଡ଼ିଶାରେ ବିଭିନ୍ନ ଜିଲ୍ଲାରେ ଡିକି ଭାଙ୍ଗି ଲୁଟ କରୁଥିବା ଗ୍ୟାଙ୍ଗ ର ଚାରି ଜଣ ମଧ୍ୟ ରୁ ତିନି ଜଣ ଧରାପଡିଲେ ଝାରସୁଗୁଡା ପୋଲିସ ହାତରେ । ସେମାନେ ହେଲେ ଗଞ୍ଜାମ ଜିଲ୍ଲାର ଆସ୍କା ଅଞ୍ଚଳ ର କାଳି ଦାସ, ଡି ଶ୍ରୀନିବାସ, ଏ ଶ୍ରୀନୁ ।ସେମାନେ ରୀତିମତ ଭାବେ ପଶ୍ଚିମ ଓଡ଼ିଶାର ବିଭିନ୍ନ ଅଞ୍ଚଳ ବୁଲି ଗାଡି ଡ଼ିକି ଭାଙ୍ଗି ଟଙ୍କା ଚୋରି କରୁଥିଲେ ।ସେମାନଙ୍କ ପାଖରୁ ୯୦ ହଜାର ଟଙ୍କା ସହ ତିନୋଟି ମୋଟର ସାଇକେଲ ଏବଂ ୬ ଟି ମୋବାଇଲ ଜବତ କରାଯାଇଛି । ଝାରସୁଗୁଡା ଜିଲ୍ଲା ର ବଡ଼ମାଲ,ଲଇକେରା ଓ ସୁନ୍ଦରଗଡ, ରାଉଲକେଲା,ଦେବଗଡ଼, ମହୁଲପାଲି,କୁଚିଣ୍ଡା, ପାଟଣାଗଡ଼,ବଲାଙ୍ଗୀର, ନୂଆପଡା ଆଦି ଥାନା ଇଲାକାରେ ରେ ଏମାନେ ଡ଼ିକି ଭାଙ୍ଗି ଟଙ୍କା ଚୋରି କରିଥିବା ପୋଲିସ ନିକଟରେ ସ୍ୱୀକାର କରିଛନ୍ତି । ଗତ ୨୨ ତାରିଖରେ ସୁନ୍ଦରଗଡ ସହର ସୁନାରୀପଡ଼ାରେ ଏହି ଗ୍ୟାଙ୍ଗ ର ଚାରି ଜଣ ସଦସ୍ୟ ଏକ ଲକ୍ଷ ଦଶ ହଜାର ଟଙ୍କା ଡ଼ିକି ଭାଙ୍ଗି ଲୁଟ କରୁଥିବା ର ସିସିଟିଭି ଫୁଟେଜ ପୋଲିସ ର ହସ୍ତଗତ ହୋଇଥିଲା ଯାହାକୁ ଆଧାର କରି ପୋଲିସ ଅପରାଧୀଙ୍କୁ ଧରିବାରେ ସକ୍ଷମ ହୋଇଥିଲା ।ଗ୍ୟାଙ୍ଗ ର ଆଉ ଜଣେ ସଦସ୍ୟ କୁ ଖୁବଶୀଘ୍ର ଗିରଫ କରାଯିବ ବୋଲି ଝାରସୁଗୁଡା ଏସଡିପିଓ କୈଳାସ ଚନ୍ଦ୍ର ଆଚାର୍ଯ୍ୟ କହିଛନ୍ତି ।
