ଅନୁଗୁଳ ସହରରେ ଲଜ୍ୟା । ୮ ବର୍ଷର ନାବାଳିକାଙ୍କୁ ରାତି ଅଧରେ ଉଠାଇନେଇ ଦୁଷ୍କର୍ମ କରିବା ପରେ ଅଳିଆ ଗଦାରେ ଫିଙ୍ଗିଦେଲେ ଦୁର୍ବୃତ୍ତ । ଯାଯାବର ନାବାଳିକା ନିଜ ପରିବାର ସହ ରାସ୍ତାକଡରେ ଶୋଇଥିବା ବେଳେ କାମୁକ ଦୁର୍ବୃତ୍ତ ଏଭଳି କାଣ୍ଡ ଭିଆଇଛି । ଘଟଣାରୁ ପ୍ରକାଶ କିଛି ଯାଯାବର ପରିବାର ଅନୁଗୋଳ ସହରକୁ କାମ ଧନ୍ଦା କରିବା ପାଇଁ ଆସି ରହୁଥିବା ବେଳେ ଗତକାଲି ରାତିରେ ବସଷ୍ଟାଣ୍ଡ ନିକଟ ଏକ ଦୋକାନ ବାରଣ୍ଡାରେ ଶୋଇଥିଲେ । ସେମାନଙ୍କ ସହ ସୋଇଥିବା ତାଙ୍କ ୮ ବର୍ଷର ନାବାଳିକାଙ୍କୁ ବିଲମ୍ବିତ ରାତିରେ କେହି ଦୁର୍ବୃତ୍ତ ସେମାନଙ୍କ ଗହଣରୁ ଉଠାଇ ନେଇ ସେଠାରୁ କିଛି ଦୂରରେ ମାଡ଼ପିଟ କରିବା ସହ ଦୁଷ୍କର୍ମ କରିଥିଲା ଓ ନାବାଳିକା ଅଚେତ ହୋଇ ଯିବାରୁ ମରି ଯାଇଥିବା ଭାବି ଦୁର୍ବୃତ୍ତ ଏକ ଅଳିଆ ଗଦାରେ ନାବାଳିକାଙ୍କୁ ଫୋପାଡ଼ି ଦେଇ ଫେରାର ହୋଇ ଯାଇଥିଲା । ସକାଳେ ପରିବାର ଲୋକ ଝିଅକୁ ଖୋଜାଖୋଜି କରିବାବେଳେ ଅଳିଆ ଗଦାରେ ପଡିଥିବା ଖବର ପାଇଥିଲେ ଓ ସେଠାରୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ନାବାଳିକାର ମୁଣ୍ଡରେ ଗଭୀର ଆଘାତ ମଧ୍ୟ ଲାଗିଛି ।
