ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ବନାଞ୍ଚଳ ଲକ୍ଷ୍ମୀପୁର ଜଙ୍ଗଲ ରୁ ଏକ ଦନ୍ତା ହାତୀ ର ମୃତଦେହ ଠାବ ହୋଇଛି । ଦନ୍ତା ହାତୀର ମୃତ୍ୟୁ ନେଇ ଗ୍ରାମବାସୀ ମାନଙ୍କ ଠାରୁ ସୂଚନା ପାଇ ହଣ୍ଡପା ରେଞ୍ଜ ଅଧିକାରୀ ଚୈତନ୍ୟ ବେହେରା ଘଟଣା ସ୍ଥଳରେ ପହଞ୍ଚି ମୃତ ଦନ୍ତା ର ଶବକୁ ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି । ବାରହା ଶିକାର ପାଇଁ ବିଦ୍ୟୁତ ତାର ବିଛା ଯାଇଥିବା ବେଳେ ଏହାର ସଂସ୍ପର୍ଶରେ ଆସି ହାତୀ ଟି ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ଶବ ବ୍ୟବଚ୍ଛେଦ ପରେ ହାତୀ ମୃତ୍ୟୁ ର ପ୍ରକୃତ କାରଣ ଜଣା ପଡିବ ବୋଲି ବନବିଭାଗ ଅଧିକାରୀ କହିଛନ୍ତି ।
