ଢେ଼ଙ୍କାନାଳ ଟାଉନ ଥାନା ଅନ୍ତର୍ଗତ ଶକ୍ତି ସୁଗାର ଏବଂ କୋରିଆଁ ଛକ ଦୁଇଟି ପୃଥକ ପୃଥକ ସ୍ଥାନରେ ଦୁଇଟି ବାଇକକୁ ଧକ୍କା ଦେଇଛି ଟ୍ରକ୍। ଘଟଣା ସ୍ଥଳରେ ଢେ଼ଙ୍କାନାଳ ଟାଉନଥାନା ପୋଲିସ ପହଞ୍ଚି ଅଧିକ ତଦନ୍ତ କରୁଛି।ଉତ୍ୟକ୍ତ ଲୋକଙ୍କ ଦ୍ୱାରା ପଞ୍ଚାବନ ନମ୍ବର ଜାତୀୟ ରାଜପଥ କୋରିଆଁ ନିକଟରେ ରାସ୍ତା ଅବରୋଧ କରାଯାଇଛି।
ଟ୍ରକଟି ପ୍ରଥମେ ଶକ୍ତି ସୁଗାର ନିକଟରେ ବାଇକରେ ଯାଉଥିବା ଏକ ଦମ୍ପତି କୁ ଧକ୍କା ଦେବା ଫଳରେ ପତ୍ନୀ ସୁନିତା ବେହେରା ଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ତାଙ୍କ ସ୍ୱାମୀ ପ୍ରଦିପ ସାହୁ ଗୁରୁତର ଆହତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।ଏପଟେ ଶକ୍ତି ସୁଗାର ନିକଟରେ ବାଇକକୁ ଧକ୍କା ଦେବାପରେ କିଛି ବାଟ ଆଗରେ ପୁଣି କୋରିଆଁ ନିକଟରେ ଆଉ ଏକ ବାଇକକୁ ଧକ୍କା ଦେଇଥିଲା।ଫଳରେ ଭୁବନ ଥାନା ଅନ୍ତର୍ଗତ ସୁରପ୍ରତାପପୁର ତଳସାହିର ରତିକାନ୍ତ ସ୍ୱାଇଁଙ୍କ ମୃତ୍ୟୁ ଘଟିଥିବା ବେଳେ ବାଇକ ପଛରେ ବସିଥିବା କାମାକ୍ଷାନଗର ଅଞ୍ଚଳର ଅନିଲ ବାରିକ ଗୁରୁତର ଆହତ ହୋଇଛନ୍ତି।
ଟାଉନଥାନା ପୋଲିସ ଟ୍ରକକୁ ଜବତ କରିଛି।ଟ୍ରକ ଡ୍ରାଇଭର ଫେରାର ହୋଇଯାଇଛି।
