ଅନୁଗୁଳ ଜିଲ୍ଲା କୁମୁରସିଂହା ଗ୍ରାମର ୫ ଦିନରୁ ନିଖୋଜ ଯୁବକଙ୍କ ଝୁଲନ୍ତା ମୃତଦେହକୁ ଆଜି ଉଦ୍ଧାର କରାଯାଇଛି,ଯାହାକୁ ଜଗନ୍ନାଥପୁର ନିକଟସ୍ଥ ଜଙ୍ଗଲରେ ଝୁଲୁଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର କରିଥିଲେ । ଘଟଣାରୁ ପ୍ରକାଶ ଯେ ନବକିଶୋର ଦେହୁରୀ ଗତ ୨୯ ତାରିଖରୁ ନିଖୋଜ ହୋଇ ଯାଇଥିଲେ ଓ ଘର ଲୋକେ ବହୁ ଖୋଜାଖୋଜି କଲା ପରେ ମଧ୍ୟ ତାଙ୍କ ସନ୍ଧାନ ନ ପାଇବାରୁ ଥାନାରେ ଅଭିଯୋଗ କରିଥିଲେ । ପୋଲିସ ମଧ୍ୟ ବିଭିନ୍ନ ସ୍ଥାନରେ ସନ୍ଧାନ ନେଇଥିବା ସତ୍ୱେ ନବ କିଶୋରଙ୍କ କୌଣସି ଖବର ମିଳି ନଥିଲା । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ମୃତ୍ୟୁର ପ୍ରକୃତ କାରଣ ଜଣା ପଡି ନଥିବା ବେଳେ ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣା ପଡିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
