ଅନୁଗୁଳ ନିକଟ ନାଲକୋନଗର ଅଂଚଳରେ ନିଶା ଶକ୍ତ ତିନି ନବରତ୍ନ କମ୍ପାନୀ ନାଲକୋ ଅଫିସରଙ୍କ ଉନ୍ମତ୍ତକାଣ୍ଡ। ହୋଟେଲରେ ହେଲେ ମାତାଲ। ହୋଟେଲରେ ଗୋଡ଼ାଇ ଗୋଡ଼ାଇ ପିଟିଲେ। ନାଲକୋ ନଗର ଥାନା ଅନ୍ତର୍ଗତ ୫୫ଜାତୀୟ ରାଜପଥ ପାର୍ଶ୍ୱ ଠାରେ ଥିବା ଭୋଜନବାର ହୋଟେଲ ରେ କାଣ୍ଡସର ଗ୍ରାମର ଦୁଇ ସାଙ୍ଗ ଙ୍କ ସହ ମାତାଲ ଅବସ୍ଥାରେ ଥିବା ତିନି ନାଲୋକୋ ଅଫିସରଙ୍କର ଅସଭ୍ୟ ଭାଷା ରେ କଥା କଟା କଟି ହୋଇ ବଚସା ହୋଇଥିଲା। ପରେ ୩ ନାଲୋକ ଅଫିସର ସଂପୃକ୍ତ ଦୁଇ ସାଙ୍ଗ ଙ୍କୁ ଆକ୍ରମଣ କରିଥିଲେ। ଜଣେ ପ୍ରାଣ ବିକଳରେ ଯିବାକୁ ଚେଷ୍ଟା କରିଥିଲେ ମଧ୍ୟ ୩ ଜଣ ଯାକ ହୋଟେଲ ସମୁଖ ଚଟାଣ ରେ ଗୋଡାଇ ଗୋଡ଼ାଇ ପାଖରେ ପଡିଥିବା ଏକ ଲୁହା ଛଡ଼ ଓ ପଥର ମାରି ରେ ଆକ୍ରମଣ କରିଥିଲେ।ଉକ୍ତ ଆକ୍ରମଣ ଘଟଣା ହୋଟେଲର ସିସିଟିଭି ରେ କଏଦ ହୋଇଛି।ଆକ୍ରମଣ ଶିକାର ହୋଇ ଜଣେ ଗୁରୁତର ଭାବେ ଆହତ ହୋଇଛନ୍ତି। ଆଉଜଣେ ଘଟଣା ସ୍ଥଳରୁ ଖସି ଯାଇ ନାଲକୋ ଥାନାର ଦ୍ଵାରସ୍ତ ହୋଇଥିଲେ।ପରେ ନାଲକୋ ଡାକ୍ତରଖାନା ରେ ଚିକିତ୍ସିତ ହେଉଥିବା ଅନ୍ୟବ୍ୟକ୍ତି ସୁମନ୍ତ ନାଲକୋ ଥାନାରେ ଅଭିଯୋଗ କରିଛନ୍ତି।ଅଭିଯୋଗକୁ ଭିତ୍ତି କରି ପୁଲିସ ଉଭୟ ପକ୍ଷକୁ ଡାକିଥିବା ବେଳେ ଖବର ଲେଖା ହେବା ସୁଧା କାହାକୁ ଗିରଫ କରାଯାଇନାହିଁ।
