ମୁଁ ଖୁସି,ଡିଉଟି ଠିକରେ ନ କରିବାରୁ ମୋର ଚାହୁଁଥିବା ବଦଳି ହେବ: ଅନୁଗୁଳ ଜିଲ୍ଲା ସୁଚନା ଓ ଲୋକସମ୍ପର୍କ ଅଧିକାରୀ

ଏପରି ବେପରୁଆ ମନୋଭାବ ପୋଷଣ କରୁଥିବା ଅଧିକାରୀଙ୍କୁ ନିଲମ୍ବନ କରିବାର ଆବଶ୍ୟକତା ରହିଛି।

ଯେତେ ମାଠିବୁ ମାଠ, ମୁଁ ସେହି ଦରପୋଡ଼ା କାଠ! ଏହି ଉକ୍ତି ବର୍ତମାନର ଅନୁଗୁଳ ଜିଲ୍ଲା ସୁଚନା ଓ ଲୋକସମ୍ପର୍କ ଅଧିକାରୀ ଙ୍କ ପାଇଁ ଫିଟ ବସୁଛି। ଜିଲ୍ଲାର କର୍ତବ୍ୟରତ ସାମ୍ବାଦିକଙ୍କୁ ସୁଚନା ଦିଆଯାଉନଥିବା ଖବର ଆମେ ପ୍ରକାଶ କରିଥିଲୁ। କେମିତି ଅନୁଗୁଳ ଜିଲ୍ଲାର ସୁଚନା ଓ ଲୋକସମ୍ପର୍କ ଅଧିକାରୀ ଜାଣିଶୁଣି ସାମ୍ବାଦିକଙ୍କୁ ସୂଚନା ଓ ଖବର ନ ଦେଇ ସାଧାରଣ ଲୋକ ଓ ରାଜ୍ୟ ସରକାରଙ୍କ ସହ ବେଇମାନି କରୁଛନ୍ତି ତାହା ଆମେ ଜଣେଇଥିଲୁ। ଏଥିରେ ପ୍ରତିକ୍ରିୟାଶିଳ ହୋଇ ବେପରୁଆ ଭାବରେ ଅଧିକାରି ଜଣଙ୍କ କହିଛନ୍ତି ଯେ ‘ ମୁଁ ମୋ ଘର ପାଖକୁ ବଦଳି ହେବାକୁ ଚାହୁଁଛି ଓ ମୋର ନକାରାତ୍ମକ କାର୍ଯ୍ୟ କରିବା ଖବର ମୋତେ ଏଠାରୁ ବଦଳି ହୋଇ ଯିବରେ ସାହାଯ୍ୟ କରିବ ‘। ଏପରି ଅଧିକାରି ଯିଏ ବଦଳି ନିଶାରେ ନିଜ କାର୍ଯ୍ୟ ଠିକ ଭାବେ କରୁନାହାନ୍ତି ତାଙ୍କୁ ବଦଳି ନ କରି ନିଲମ୍ବନ କରିବାର ଆବଶ୍ୟକତା ରହିଛି।