ଢେଙ୍କାନାଳ ଜିଲ୍ଲା ପର୍ଜଙ୍ଗ ଥାନା ଅନ୍ତର୍ଗତ ଗେହ୍ଲେଇ କାଟେଣୀ ଗ୍ରାମ ରେ ଗତକାଲି ଅପରାହ୍ନରେ ଘଟିଥିବା ଶାଶୁ କୁ ବୋହୂର ଅକଥନୀୟ ନିର୍ଯାତନାର ଘଟଣା ଭାଇରାଲ୍।
୮୨ବର୍ଷ ବୟସ ର ବୃଦ୍ଧା ଶାଶୁ କୁ ବୋହୂ ସବିତା ଅମାନବୀୟ ଭାବେ ଗାଁ ମଝି ରାସ୍ତାରେ ଘୋଷାଡ଼ି ଘୋଷାଡ଼ି ମାଡ ମାରିବା ଓ ଅସଭ୍ୟ ଭାଷାରେ ଗାଳି ଗୁଲଜ ଘଟଣା ଗ୍ରାମବାସୀ ଙ୍କ ସହ ଜିଲ୍ଲା ତମାମ ଆଲୋଡନ ସୃଷ୍ଟି କରିଛି। ପୋଲିସ ଭାଇରାଲ୍ ଭିଡିଓ ର ଖବର ପାଇ ସଙ୍ଗେ ସଙ୍ଗେ ଘଟଣା ସ୍ଥଳରେ ପହଞ୍ଚି ନିର୍ଯାତିତ ଅସୁସ୍ଥ ଅବସ୍ଥା ରେ ସେହି ବୃଦ୍ଧା କୁ କେବିନ ତଳୁ ଉଦ୍ଧାର କରି ପର୍ଜଙ୍ଗ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା କରାଇଥିଲେ ।ଅଭିଯୁକ୍ତ ସବିତା କାଲି ଫେରାର ଥିଲା ଓ ଆଜି ସକାଳୁ ଥାନାରେ ପହଞ୍ଚି ନିଜ ଭୁଲ ସ୍ୱୀକାର କରି କହିଥିଲା କି ତାଙ୍କ ଶାଶୁ ତାଙ୍କୁ ଆଗ ହାତ ଉଠେଇବା ରୁ ସେ ତାଙ୍କୁ ରାଗରେ ରାସ୍ତା ରେ ସାମାନ୍ୟ କିଛି ବାଟ ଘୋଷାଡ଼ିଛନ୍ତି।
ସେ ଆଉ ଭବିଷ୍ୟତ ରେ ସେହିଭଲି ଭୁଲ କେବେ କରିବେନାହିଁ ବୁଲି କହିଛନ୍ତି। ପର୍ଜଙ୍ଗ ଥାନା ଅଧିକାରୀ ଘଟଣା ବିଷୟରେ ପ୍ରତିକ୍ରିୟା ଦେଇ କହିଛନ୍ତି କି ସେ ଅଭିଯୁକ୍ତ ବହୂ କୁ ଥାନାରେ ଅଟକ ରଖି ଘଟଣା ବିଷୟରେ ପଚରାଉଚରା କରୁଛନ୍ତି । ତଦନ୍ତ ପରେ ଅଭିଯୁକ୍ତ ବହୂ ଉପରେ ଆବଶ୍ୟକ ପଦକ୍ଷେପ ନିଆଯିବ ବୋଲି କହିଛନ୍ତି।
