ଅନୁଗୁଳ ଜିଲ୍ଲା ତାଳଚେର ନିକଟ ଟେଣ୍ଟୁଲୋଇ ଗ୍ରାମ ପିତାବଳୀ ପିଢରୁ ଜଣେ ଯୁବକଙ୍କ ଗଳିତ ମୃତ ଦେହ ଉଦ୍ଧାର। ମୃତକ ଜଣକ ଘଣ୍ଟପଡା ଗ୍ରାମର ରତିକାନ୍ତ ସାହୁ ଯିଏ ଗତ ରବିବାର ରାତି ଠାରୁ ନିଖୋଜ ଥିଲେ ଓ ଆଜି ତାଙ୍କ ମୃତ ଦେହ ଟେଣ୍ଟୁଲେଇ ଗ୍ରାମଦେବୀ ପିତାବଳୀ ପିଢ଼ରେ ଦେଖିବାକୁ ମିଳିଥିଲା । ଆଜି ଅପରାହ୍ନରେ କିଛି ଯୁବକ ସେହି ପିଢ଼ ନିକଟକୁ ଯାଇଥିବା ବେଳେ ରତିକାନ୍ତଙ୍କ ମୃତ ଦେହ ପଡିଥିବା ଦେଖି ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ପହଁଚି ଅଧିକ ତଦନ୍ତ ଜାରି ରଖିଛି ।ତେବେ ମୃତ ଯୁବକଙ୍କର ଦୁଇ ଦିନ ପୂର୍ବରୁ ମୃତ୍ୟୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡୁଛି । ଏହା ଏକ ହତ୍ୟା ନା ଆତ୍ମହତ୍ୟା ସେ ନେଇ ପୋଲିସ ଅଧିକ ତଦନ୍ତ ଜାରି ରଖିଛି ।
