ଅନୁଗୁଳ ଜିଲ୍ଲା ସମଲ ବ୍ୟାରେଜ ରେ ଦୁଇ ଜଣଙ୍କ ମୃତ୍ୟୁ ହୋଇଛି । ମୃତକ ଦୁଇ ଜଣ ହେଲେ ସମଲ ଅଞ୍ଚଳର କାହ୍ନୁ ଚରଣ ମହାରଣା ଓ ବିଶ୍ୱ ରଞ୍ଜନ ନାଏକ। ସେମାନେ ୩ ଜଣ ଅପରାହ୍ନ ୩ ଟା ପରେ ବ୍ୟାରେଜ ତଳ ମୁଣ୍ଡ ନଦୀକୁ ଗାଧେଇବାକୁ ଯାଇଥିଲେ । ତେବେ କୌଣସି କାରଣ ବଶତଃ ଦୁଇ ଜଣ ନଦୀରେ ବୁଡି ଯାଇ ଥିଲେ । ଅନ୍ୟ ଜଣେ ସାଙ୍ଗ ପାଖଲୋକଙ୍କୁ ଡାକିଥିଲେ ଓ ତୁରନ୍ତ ପୋଲିସ ଏବଂ ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ସେମାନଙ୍କ ମୃତଦେହ ନଦୀରୁ ଉଦ୍ଧାର କରିଛି । ଅନ୍ୟପଟେ ପୋଲିସ ସେମାନଙ୍କର ନଦୀରେ ବୁଡି ମୃତ୍ୟୁ କିଭଳି ହେଲା ସେ ନେଇ ତଦନ୍ତ କରୁଛି । ।
