ପଶ୍ଚିମବଙ୍ଗର ହାଓ୍ବଡ଼ାରେ ଶନିବାର ଝାଡ଼ଖଣ୍ଡର ତିନି କଂଗ୍ରେସ ବିଧାୟକ ନଗଦ ଟଙ୍କା ସହ ଧରାପଡ଼ିବା ପରେ ରାଜନୀତି ଧିରେ ଧିରେ ଉଷ୍ମ ହେବାରେ ଲାଗିଛି । ଝାଡ଼ଖଣ୍ଡରେ କଂଗ୍ରେସ ଅଧ୍ୟକ୍ଷ ରାଜେଶ ଠାକୁର ଦାବି କରିଛନ୍ତି କି ଝାଡ଼ଖଣ୍ଡ ସରକାରକୁ ଅସ୍ଥିର କରିବାକୁ ଆସାମରେ ଚାଲିଥିଲା ବ୍ଲୁ ପ୍ରିଣ୍ଟ । କଂଗ୍ରେସ ନେତା ମହାରାଷ୍ଟ୍ର ରାଜନୀତିର ସଂକଟର ଉଲ୍ଲେଖ କରି କହିଛନ୍ତି କି ଆସାମ ଏବେ ସରକାର ଭାଙ୍ଗିବାର କେନ୍ଦ୍ରବିନ୍ଦୁ ପାଲଟିଯାଇଛି । କଂଗ୍ରେସର ଅଭିଯୋଗ ଉପରେ ଏବେ ଆସାମର ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା ଜବାବ ଦେଇଛନ୍ତି ।
ହିମନ୍ତ ବିଶ୍ବ ଶର୍ମା କହିଛନ୍ତି କି କଂଗ୍ରେସ ସହ ଲମ୍ବା ସମୟ ପର୍ଯ୍ୟନ୍ତ ଯୋଡ଼ି ହୋଇ ରହିଥିବା କାରଣରୁ ସେ ଦଳର ନେତାଙ୍କ ସହ ସମ୍ପର୍କରେ ରହିଥାନ୍ତି । କିନ୍ତୁ ସେ ଝାଡ଼ଖଣ୍ଡ ସରକାର ଭାଙ୍ଗିବା କଥାର ଷଡ଼ଯନ୍ତ୍ର ଉପରେ ନିଜ ଭୂମିକା ଥିବା କଥାକୁ ଖାରଜ କରିଛନ୍ତି । ଶର୍ମା କହିଛନ୍ତି କି କଂଗ୍ରେସ ନେତା ତାଙ୍କର ପୁରୁଣା ନେତା ଏବଂ ଏହି କଥା ସମସ୍ତେ ଜାଣିଛନ୍ତି ।
ସେ କହିଛନ୍ତି କି କଂଗ୍ରେସ ନେତା ପୁରୁଣା ବନ୍ଧୁ ହେବା କାରଣରୁ ମୋ ସମ୍ପର୍କରେ ଥାନ୍ତି । ମୁଁ ୨୦ବର୍ଷରୁ ଅଧିକ ସମୟ ପର୍ଯ୍ୟନ୍ତ ସେହି ଦଳରେ ଥିଲି । ଯେତେବେଳେ ସେ ଏଠାକୁ ଆସିଥାନ୍ତି ତ ମୋତେ ଭେଟିଥାନ୍ତି । ଯେତେବେଳେ ମୁଁ ଦିଲ୍ଲୀରେ ଥାଏ ତ ତାଙ୍କୁ ଭେଟିଥାଏ । ଶର୍ମା ୨୦୧୫ରେ କଂଗ୍ରେସ ଛାଡ଼ି ବିଜେପିରେ ମିଶିଥିଲେ ।
କଂଗ୍ରେସ ଅଭିଯୋଗ କରିଛି କି ପଶ୍ଚିମବଙ୍ଗର ହାଓ୍ବାଡାରେ ବହୁମାତ୍ରାରେ ନଗଦ ଟଙ୍କା ସହ ଧରାପଡ଼ିଥିବା ଝାଡ଼ଖଣ୍ଡର ତିନି ବିଧାୟକ ଆସାମ ମୁଖ୍ୟମନ୍ତ୍ରୀଙ୍କ ସମ୍ପର୍କରେ ଥିଲେ । ପଶ୍ଚିମବଙ୍ଗ ପୁଲିସ ଶନିବାର ରାତି ବିଶ୍ବସ୍ତ ସୂତ୍ରରୁ ଖବରପାଇ ହାଓ୍ବଡାର ରାଣୀହାଟୀରେ ରାଷ୍ଟ୍ରୀୟ ରାଜମାର୍ଗ-୧୬ରେ କଂଗ୍ରେସର ତିନି ବିଧାୟକ ଇରଫାନ ଅଂସାରୀ, ରାଜେଶ କଚ୍ଛପ ଏବଂ ନମନ ବିକ୍ସଲ କଂଗୋରୀଙ୍କୁ ଅଟକାଇଥିଲା । ପରେ ତାଙ୍କ ଗାଡ଼ିରୁ ବହୁମାତ୍ରାରେ ନଗଦ ରାଶି ଜବତ ହୋଇଥିଲା । ପୁଲିସ ରବିବାର ଅପରାହ୍ନ ପରେ ସେମାନଙ୍କୁ ଗିରଫ କରି ନେଇଛି ।
