କହ୍ନେୟା ଲାଲ ହତ୍ୟାକାରୀ ରିୟାଜ ଅଟାରୀର ବିଜେପି ନେତାଙ୍କ ସହ ରହିଛି ସମ୍ପର୍କ!: ସାମ୍ବାଦିକ ସମ୍ମିଳନୀରେ କଂଗ୍ରେସର ଆରୋପ
ରାଜସ୍ଥାନର ଉଦୟପୁରରେ ଟେଲର କହ୍ନେୟା ଲାଲଙ୍କ ହତ୍ୟା କୁ ନେଇ ସାରା ଦେଶରେ ଆକ୍ରୋଶ ଦେଖାଦେଇଛି । ଏହା ସହ ଏହି ହତ୍ୟାକାଣ୍ଡକୁ ନେଇ ସମସ୍ତ ରାଜନୈତିକ ଦଳ ମଧ୍ୟରେ ଆରୋପ-ପ୍ରତ୍ୟାରୋପର ପର୍ବ ମଧ୍ୟ ଆରମ୍ଭ ହୋଇସାରିଛି । ନିକଟ ଅତୀତରେ ବିଜେପି କଂଗ୍ରେସ ସରକାର ଉପରେ ତୁଷ୍ଟିକରଣର ଅଭିଯୋଗ ଆଣିଥିଲା । ଯାହା ଉପରେ ପାଲଟା ଆକ୍ରମଣ କରି କଂଗ୍ରେସ ମୁଖପାତ୍ର ପୱନ ଖେରା ଆଜି ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀ କରିଛନ୍ତି । ସେ ବିଜେପି ଉପରେ ଜୋରଦାର ବର୍ଷିଛନ୍ତି ।
ପୱନ ଖେରା କହିଛନ୍ତି ଯେ, ଦେଶ ଗୁରୁତର ବିପଦରେ ଅଛି, ମୁହଁରେ ରାଷ୍ଟ୍ରବାଦ, ପାର୍ଶ୍ୱରେ ଛୁରୀ! ଉଦୟପୁରରେ କହ୍ନେୟାଲାଲଙ୍କ ହତ୍ୟାକାରୀ ରିୟାଜ ଅଟାରୀଙ୍କ ବିଜେପି ନେତାଙ୍କ ସହ ସମ୍ପର୍କ ସାମ୍ନାକୁ ଆସିଛି । ରିୟାଜ ବରିଷ୍ଠ ବିଜେପି ନେତା ଗୁଲାବଚନ୍ଦ କଟାରିଆଙ୍କ ଅନେକ କାର୍ଯ୍ୟକ୍ରମରେ ଭାଗ ନେଉଥିଲେ । ବିଜେପି ନେତା ଇରଶାଦ ଚୟନୱାଲା ଓ ତାହିର ରିୟାଜ ଅଟାରୀଙ୍କୁ ସୋସିଆଲ ମିଡିଆରେ ବିଜେପି କର୍ମୀ ବୋଲି କହିଛନ୍ତି ।
ସେ ପ୍ରଶ୍ନ ପଚାରିଛନ୍ତି ଯେ, ପ୍ରକୃତିରେ ଏହା କ’ଣ? ପୁଲୱାମା ଉପରେ ପ୍ରଶ୍ନ ଉଠିଥିଲା ଯେ ସାଢ଼େ ତିନି ଶହ କିଲୋଗ୍ରାମ RDX କେଉଁଠୁ ଆସିଲା?ସେ ଆହୁରି ମଧ୍ୟ କହିଛନ୍ତି ଯେ ଫେସବୁକ ପୋଷ୍ଟ ପ୍ରମାଣ କରିଛି ଯେ କହ୍ନେୟା ଲାଲଙ୍କ ହତ୍ୟାକାରୀ ଆତଙ୍କୀ ରିୟାଜ ଅଟାରୀ ବିଜେପିର ଜଣେ ସକ୍ରିୟ ସଦସ୍ୟ, ଆଜି ସନ୍ଧ୍ୟା ସୁଦ୍ଧା ବିଜେପି ଏହାର ଉତ୍ତର ଦେବା ଉଚିତ ।
ପୱନ ଖେରା କହିଛନ୍ତି ଯେ, ବିଜେପି କଂଗ୍ରେସକୁ ଦୋଷାରୋପ କରିଛି, କିନ୍ତୁ କହ୍ନେୟାଲାଲଙ୍କ ହତ୍ୟାକାରୀ ମହମ୍ମଦ ରିୟାଜଙ୍କ ବିଷୟରେ ଯାହା ଖୁଲାସା ହୋଇଛି, ତାହା ପରେ ଯଦି ପ୍ରଶ୍ନ ଉଠା ଯାଏ କାହିଁକି କଂଗ୍ରେସ ପ୍ରଶ୍ନ ଉଠାଉଛି, କୁହାଯିବ।
ଏଠାରେ କହି ରଖୁଛୁ ଯେ, ଜୁନ ୨୮ରେ ରାଜସ୍ଥାନର ଉଦୟପୁରରେ ଜଣେ ବ୍ୟକ୍ତିଙ୍କୁ ଅତି ନିର୍ମମ ଭାବରେ ହତ୍ୟା କରାଯାଇଥିଲା । ଏହି ଘଟଣା ଉଦୟପୁରର ଧନମାଣ୍ଡି ପୋଲିସ ଷ୍ଟେସନ ଅଞ୍ଚଳରେ ଘଟିଛି । ହତ୍ୟା କରାଯାଇଥିବା ବ୍ୟକ୍ତି ସୋସିଆଲ ମିଡିଆରେ ବହିଷ୍କୃତ ବିଜେପି ନେତା ନୁପୁର ଶର୍ମାଙ୍କ ସମର୍ଥନରେ ପୋଷ୍ଟ କରିଥିଲେ । ମୃତ ବ୍ୟକ୍ତିଙ୍କ ନାମ କହ୍ନେୟା ଲାଲ ଥିଲା ଓ ସେ ପେଶାରେ ଜଣେ ଟେଲର ଥିଲେ । କହ୍ନେୟା ଲାଲ ମାଲଦାସ ଗାଲି ଅଞ୍ଚଳରେ ତାଙ୍କ ଦୋକାନ ଚଳାଉଥିଲେ ।
