ଝାରସୁଗୁଡ଼ା ସହରର କକ୍ସ କଲୋନୀ ନିକଟ ବବୁଆ ବଗିଚା ଦେବୀ ନିବାସ ରେ ଦୁର୍ବୃତ୍ତ ମାନେ ଜାଲିଦେଲେ ଟାଟା ନେକ୍ସନ ଗାଡି । ନିଶା କାରବାର ବିରୋଧରେ ମୁହଁ ଖୋଲିବାରୁ କାର ସହ ଘର ଜାଲିଦେଲେ ତିନି ଜଣ ଦୁର୍ବୃତ୍ତ। ଗୋଟିଏ କାର ସମ୍ପୂର୍ଣ୍ଣ ଜଳିଯାଇଥିବା ବେଳେ ବର୍ତ୍ତି ଗଲା ଜୀବନ। ଗତ ରବିବାର ଝାରସୁଗୁଡା ଜିଲ୍ଲା ଟାଉନ ଥାନା ଅନ୍ତର୍ଗତ କକ୍ସ କଲୋନୀ ବବୁଆ ବଗିଚା ଅଂଚଳରେ ରହୁଥିବା ଗିରିଧାରୀ ଦାସ ଙ୍କର ଘରେ ରାତି ପ୍ରାୟ 3.30 ରେ କିଛି ଦୁର୍ବୃତ୍ତ ଆସି କାର ରେ ନିଆଁ ଲଗାଇ ଦେଇଥିଲେ ଫଳରେ ଗିରିଧାରୀ ଦାସ ଙ୍କର ଗୋଟିଏ ଟାଟା ନେକ୍ସନ କାର ସମ୍ପୂର୍ଣ୍ଣ ରୂପେ ଜଳିଯାଇଥିବା ବେଳେ ୱାଗନର କାର ଆଂଶିକ ରୂପେ ଜଳିଯାଇଛି। ଆଖ ପାଖ ଜଳୁଥିବା ଦେଖି ନିଆଁ କୁ ଆୟତ୍ତ କରିବାକୁ ଚେଷ୍ଟା କରିବା ସହିତ ଦମକଳ କୁ ଫୋନ କରିଥିଲେ ମାତ୍ର ଦମକଳ ଆସିନଥିବା ଯୋଗୁଁ ସ୍ଥାନୀୟ ଲୋକେ ବେଶ ଅସନ୍ତୋଷ ପ୍ରକାଶ କରିଛନ୍ତି। ଏହି ଘଟଣା ଘଟାଇଥିବା 3 ଜଣ ନାବାଳକ ଙ୍କୁ ସ୍ଥାନୀୟ ଲୋକେ କାବୁ କରି ପୋଲିସ କୁ ଜିମା ଦେଇଛନ୍ତି। ଗିରିଧାରୀ ଦାସ ଙ୍କର କହିବା ଅନୁସାରେ ଗତ ଦୁଇଦିନ ପୂର୍ବରୁ ଏହି ନାବାଳକ ମାନେ ସେହି ଅଂଚଳରେ ନିଶା କାରବାର କରୁଥିଲେ ଯାହାକୁ ବିରୋଧ କରିଥିଲେ ଗିରିଧାରୀ । ଏହି ଘଟଣା ରେ ଆକ୍ରୋଶ ହୋଇ ତିନିଜଣ ନାବାଳକ ଘଟଣା ଘଟାଇଥିବା କହିଛନ୍ତି ଗିରିଧାରୀ। ତେବେ ଏହି ଘଟଣା ରେ ସମ୍ପୃକ୍ତ ତିନି ଜଣ ସମ୍ପୃକ୍ତ ଙ୍କୁ ଟାଉନ ଥାନା ଅଟକ ରଖିଛି।
