ଛିଡା ହୋଇ ଥିବା ହାଇୱା କୁ ଧକ୍କା ଦେଲା ବାଇକ୍, ଜଣେ ମୃତ ଓ ଜଣେ ଗୁରୁତର।ଅନୁଗୁଳ ସଦର ଥାନା ଅନ୍ତର୍ଗତ ବେନ୍ତପୁର ଓଭର୍ ବ୍ରିଜ ନିକଟରେ ଛିଡା ହୋଇ ଥିବା ହାଇୱା କୁ ଧକ୍କା ଦେଲା ବାଇକ। ଯାହା ଫଳରେ ଣେ ମୃତ ଓ ଜଣେ ଗୁରୁତର ହୋଇଛନ୍ତି। ସେମାନେ ହେଲେ ବଅଁରପାଳ ଥାନା ଅଧୀନସ୍ଥ ତୁଳସୀପାଳ ଗ୍ରାମର ଦୁଇ ଭାଇ ରାଜେନ୍ଦ୍ର ସାହୁ (୨୫) ଏବଂ ଜିତେନ୍ଦ୍ର ସାହୁ (୩୨) । ସୂଚନା ଯେ, ଜିତେନ୍ଦ୍ର ଙ୍କ ଆଖିରେ ଧାନ କେଣ୍ଡା ବାଜି ଥିବାରୁ ଅନୁଗୁଳ ସହର କୁ ସାନ ଭାଇ ରାଜେନ୍ଦ୍ର ଙ୍କୁ ସାଥିରେ ନେଇ ବାଇକ୍ ଯୋଗେ ଆସି ଚିକିତ୍ସା ହୋଇ ନୂଆ କରି ହେଉଥିବା ବାଇପାସ୍ ରାସ୍ତା ରେ ଫେରୁଥିଲେ। ବେନ୍ତପୁର ଓଭର୍ ବ୍ରିଜ ନିକଟରେ ରାସ୍ତା କଡରେ ଛିଡା ହୋଇଥିବା ଏକ ହାଇୱା ପଛରେ ବାଇକ୍ ଧକ୍କା ଦେଇଥିଲା। ଯାହା ଫଳରେ ଦୁଇ ଭାଇ ଗୁରୁତର ହୋଇ ପଡିଥିଲେ। ଖବର୍ ପାଇଁ ପରିବାର ଲୋକ ଏବଂ ସ୍ଥାନୀୟ ବାସୀ ଆମ୍ବୁଲାନ୍ସ କୁ ଫୋନ କରିଥିଲେ। ଆମ୍ବୁଲାନ୍ସ ପହଁଚିବାକୁ ବିଳମ୍ବ ହେବାରୁ ବାଧ୍ୟ ହୋଇ ପରିବାର ଲୋକ ଏବଂ ସ୍ଥାନୀୟ ବାସୀ ଦୁଇ ଭାଇ କୁ କାର ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତି କରିଥିଲେ। ଚିକିତ୍ସାଧିନ ଅବସ୍ଥାରେ ରାଜେନ୍ଦ୍ର ଙ୍କୁ ଡାକ୍ତର ମୃତ ଘୋଷଣା କରି ଥିବା ବେଳେ ଜିତେନ୍ଦ୍ର ଙ୍କର ଅଣ୍ଟା, ଗୋଡ ମୁଣ୍ଡ ରେ ଗଭୀର ଆଘାତ ଲାଗିଛି।
