ଅନୁଗୁଳ ଜିଲା ଛେଣ୍ଡିପଦା ଜେଏମଏଫସି ଅଦାଲତ ପରିସର ମଙ୍ଗଳବାର ‘ସମ୍ବିଧାନ ଦିବସ’ ପାଳିତ ହୋଇଯାଇଛି। ଏହି ୭୦ତମ ସମ୍ବିଧାନ ଦିବସ ଉପଲକ୍ଷେ ଆୟୋଜିତ ଶପଥ ପାଠ ଉତ୍ସବରେ ବିଚାରପତି ଶାନ୍ତା ସାମଲ ଅଦାଲତର କର୍ମଚାରୀ ଓ ଆଇନଜିବିମାନଙ୍କୁ ‘ସମ୍ବିଧାନ ଦିବସ’ର ଶପଥ ପାଠ କରାଇଥିଲେ ।
ଶପଥ ଗ୍ରହଣ ଉତ୍ସବରେ ଅଦାଲତର ସମସ୍ତ କର୍ମଚାରୀ ଓ ଆଇନଜିବି ମାନେ ଉପସ୍ଥିତ ରହି ସମ୍ବିଧାନ ପ୍ରତି ନିଜର ବ୍ୟକ୍ତିଗତ ଶ୍ରଦ୍ଧା ଏବଂ ବିଶ୍ବାସ ସହିତ ପ୍ରତିବଦ୍ଧିତା ଜାହିର କରିବା ତଥା ସମ୍ବିଧାନର ସୁରକ୍ଷା ଓ ସମ୍ମାନ ରକ୍ଷା କରିବା ନିମନ୍ତେ ଶପଥପାଠ କରିଥିଲେ । ସେହିପରି ଛେଣ୍ଡିପଦା ପଞ୍ଚାୟତ ସମିତି ଏବଂ ଛେଣ୍ଡିପଦା ତହସିଲ ପକ୍ଷରୁ ଗୋଷ୍ଠି ଉନ୍ନୟନ ଅଧିକାରୀ ସୁନିଲ କେରକେଟା ଓ ବ୍ଲକ ଅଧକ୍ଷ ଅଶୋକ କୁମାର ପ୍ରଧାନ , ତହସିଲାଦାର ଡାନିଏଲ ଏକ୍କା ଓ ସମସ୍ତ କର୍ମଚାରୀ ମାନେ ପ୍ରତ୍ୟକ ବ୍ୟକ୍ତିର ଗରିମା ଓ ରାଷ୍ଟ୍ର ଏକତା ଓ ଅଖଣ୍ଡତାକୁ ସୁନିଶ୍ଚିତ କରାଉଥିବା ଭାତୃଭାବ ବଢାଇବା ପାଇଁ ସମ୍ବିଧାନ ଦିବସରେ ଶପଥ ନେଇଥିଲେ ।
