ଅନୁଗୁଳ ଜିଲ୍ଲାର ପାଳଲହଡା ରେ ଜଙ୍ଗଲୀ ଭାଲୁ ଆକ୍ରମଣ ରେ ମହିଳା ଗୁରୁତର ହୋଇ ଜିଲ୍ଲା ମୂଖ୍ୟ ଚିକିତ୍ସାଳୟ କୁ ସ୍ଥାନାନ୍ତର ।
ଜଙ୍ଗଲୀ ଭାଲୁ ଆତଙ୍କ , ପୃଥକ ପୃଥକ ସ୍ଥାନ ରେ ଭାଲୁ ଆକ୍ରମଣ ରେ ଜଣେ ମହିଳା ଗୁରୁତର ହୋଇ ଥିବାବେଳେ ଜଣେ ଟ୍ରକ ଚାଳକ ଆହତ ହୋଇଥିବା ଜଣା ପଡିଛି ।ଖବର ଅନୁଯାୟୀ ଆଜି ସକାଳୁ ପାଳଲହଡା ବ୍ଲକ ର କରଡାପାଳ ପଞ୍ଚାୟତ ଅନ୍ତର୍ଗତ ଗୁରୁଣ୍ଡିଆମୁଣ୍ଡା ଗ୍ରାମର ୪୫ ବର୍ଷୀୟ କୁମାରୀ ନାଏକ ଗାଁ ନିକଟସ୍ଥ ଧାରିପଥର ଠାରେ ନିଜ ଜମିକୁ ଜିବା ବେଳେ ହଠାତ ଏକ ଜଙ୍ଗଲୀ ଭାଲୁ ଆକ୍ରମଣ ର ଶିକାର ହୋଇ ଗୁରୁତର ହୋଇ ପଡିଥିଲେ ଓ ତାଙ୍କୁ ଗାଁ ଲୋକେ ଉଦ୍ଧାର କରି ପାଳଲହଡା ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ ଓ ଅବସ୍ଥା ସଂକଟାପର୍ଣ୍ଣ ହୋଇ ପଡିବାରୁ ଅନୁଗୁଳ ଜିଲ୍ଲା ମୂଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି । ଠିକ ସେଇଭଳି ପାଳଲହଡା ଠାରୁ ପାଞ୍ଚ କିଲୋମିଟର ଦୁର କନ୍ତଳା ଗାଁ ନିକଟସ୍ଥ ଏକ ଢାବା ସମ୍ମୁଖରେ ଲୁହାପଥର ବୋଝେଇ ଟ୍ରକ ଛିଡା କରି ଡ୍ରାଇଭର ଗୋବିନ୍ଦ ମହାନ୍ତ ଶୌଚ ହେବାପାଇଁ ଯାଉଥିବା ବେଳେ ଜଙ୍ଗଲୀ ଭାଲୁ ଆକ୍ରମଣ ର ଶିକାର ହୋଇ ଗୁରୁତର ଅବସ୍ଥା ରେ ଉଦ୍ଧାର ହୋଇ ପାଳଲହଡା ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଥିବା ଜଣା ପଡିଛି ।
