ରାସ୍ତା ନଥିବାରୁ ତିନି କିଲୋମିଟର ଶବ ବୋହିଲା ପୁଲିସ । କୋରାପୁଟ ଲାଠିଗୁଡ଼ା ଗାଁରେ ଦେଖିବାକୁ ମିଳିଛି ଏଭଳି ଦୃଶ୍ୟ । କିଛି ଦିନ ତଳେ ଶବ ସତ୍କାର ପାଇଁ କୋରାପୁଟ ଦଶମନ୍ତପୁର ଅଞ୍ଚଳରେ ଲୋକଙ୍କୁ ନଦୀ ପାର ହେବାକୁ ପଡିଥିଲା । ଆଉ ଏବେ ପୁଣି ସେହିଭଳି ଘଟଣା ଦେଖିବାକୁ ମିଳିଛି ।ଲାଠିଗୁଡ଼ା ଗାଁରେ ଜଣେ ନାବାଳିକା ଆମହତ୍ୟା କରିଥିବା ନେଇ ପୁଲିସ ସୂଚନା ପାଇଥିଲା । ପରେ ପୁଲିସ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳକୁ ଯାଇଥିଲେ । କିନ୍ତୁ ତିନି କିଲୋମିଟର ପୂର୍ବରୁ ଗାଁର କାଦୁଅ ରାସ୍ତାରେ ଗାଡି ଯାଇପାରିନଥିଲା । ଶେଷରେ ଷ୍ଟ୍ରେଚରରେ ଶବ ଧରି ୩ କିଲୋମିଟର ପାହାଡିଆ ରାସ୍ତା ଅତିକ୍ରମ କରିଥିଲେ ପୁଲିସ ଓ ସାଇଣ୍ଟିଫିକ୍ ଟିମ୍ ।
