ଅନୁଗୁଳ ଜିଲ୍ଲା ତାଳଚେର ସନ୍ଥପଡା ଗାଁରେ ରାଜନୈତିକ ଶତ୍ରୁତାରୁ ହିଂସାକାଣ୍ଡ ହୋଇଥିବା ଜଣାପଡିଛି । ଏହି ହିଂସାକାଣ୍ଡ ବେଳେ କଟୁରି ଆକ୍ରମଣରେ ଜଣେ ଯୁବକ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭାର୍ତ୍ତି ହୋଇଛନ୍ତି । ଘଟଣାରୁ ପ୍ରକାଶ ଯେ ପୂର୍ବରୁ ସରିଥିବା ନିର୍ବାଚନ ବେଳେ ଥିବା ଶତ୍ରୁତାରୁ ତାଳଚେର ସନ୍ଥପଡା ଗାଁର ସୁଶାନ୍ତ ସାମଲ ନାମକ ଜଣେ ଯୁବକଙ୍କ ସହ ସେହି ଗାଁର ସରୋଜ ସାମଲଙ୍କ ସହ ଆଜି କନକ ଦୁର୍ଗା ମନ୍ଦିର ନିକଟରେ ବଚସା ହୋଇଥିଲା । ବଚସାବେଳେ ଉତ୍ୟକ୍ତ ହୋଇ ସରୋଜ ଏକ କଟୁରି ସାହାଯ୍ୟରେ ସୁଶାନ୍ତଙ୍କୁ ଆକ୍ରମଣ କରିଥିଲେ । ସୁଶାନ୍ତଙ୍କ ବାମ ହାତରେ ଗଭୀର କ୍ଷତ ହେବା ସହ ଘଟଣା ସ୍ଥଳରେ ଗୁରୁତର ହୋଇ ପଡି ଯାଇଥିଲେ । ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ଆକ୍ରମଣକାରୀ ଯୁବକ ସରୋଜ ସନ୍ଥପଡା ପଞ୍ଚାୟତର ବିଜୁ ଯୁବ ବାହିନୀ ସଭାପତି ଥିବା ଜଣା ପଡ଼ିଛି । ଏ ନେଇ ତାଳଚେର ଥାନାରେ ଅଭିଯୋଗ ପରେ ପୋଲିସ ଘଟଣାର ତଦନ୍ତ କରୁଛି ।
