ଅନୁଗୁଳ ଜିଲ୍ଲା ନାଲ୍କୋନଗର ଥାନା ଅନ୍ତର୍ଗତ ବଳରାମପ୍ରସାଦ ବସଲା ସାହି ମଶାଣି ନିକଟ ପଡ଼ିଆରୁ ଆଜି ଏକ ନବଜାତ ଶିଶୁକନ୍ୟାକୁ ସ୍ଥାନୀୟ ଲୋକେ ଉଦ୍ଧାର କରିଛନ୍ତି ଯାହାକୁ କେହି ଛାଡ଼ି ପଳାଇଯାଇଥିବା ସନ୍ଦେହ କରାଯାଉଛି । ସୂଚନାନୁଯାୟୀ, ଭୋର ସମୟରେ ଜଣେ ବୃଦ୍ଧ ଉକ୍ତ ରାସ୍ତା ଦେଇ ଯାଉଥିବା ସମୟରେ ଏକ ବ୍ୟାଗ୍ ଭିତରେ ଶିଶୁର କ୍ରନ୍ଦନ ଶୁଣି ଅଟକି ଯାଇଥିଲେ । ସେ ବ୍ୟାଗ୍ ଖୋଲି ଶିଶୁକନ୍ୟାକୁ ବାହାରକୁ ଆଣିଥିଲେ । 
ପରେ ଲୋକେ ସେଠାରେ ଜମା ହେବା ପରେ ଜଣେ ମହିଳା ଶିଶୁକନ୍ୟାଟିକୁ ଘରକୁ ଆଣି ସେବା କରିଥିବା ଜଣାପଡ଼ିଛି। ପରେ ଚାଇଲ୍ଡ ହେଲ୍ପ ଲାଇନ୍ର ସଦସ୍ୟ ପହଞ୍ଚି ଶିଶୁକନ୍ୟାକୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଶିଶୁ କନ୍ୟାଟି ସୁସ୍ଥ ଥିବା ଜଣା ପଡିଛି ।
