ତିନି ଦିନ ଧରି ନନ୍ଦନକାନନ ଓ ସ୍ଥାନୀୟ ବନଖଣ୍ଡ ର ୪୦ ଜଣିଆ ଦଳର କଠୋର ପରିଶ୍ରମ ପରେ ଟ୍ରାଙ୍କୁଳାଇଜ ହେଲା ଅନୁଗୋଳ ବନଖଣ୍ଡ ଅଧୀନରେ ଯାଉଥିବା ତାଳଚେର ରେଞ୍ଜରେ କିଛିଦିନ ହେବ ଉତ୍ପାତ କରୁଥିବା ନରହନ୍ତା ଦନ୍ତାୁ। ଏହି ଦନ୍ତା ୬ଜଣଙ୍କ ଜୀବନ ନେବା ପରେ ଆଜି ସନ୍ଧ୍ୟାରେ ତାଳଚେର ଜଗନ୍ନାଥ କୋଇଲା ଖଣି ନିକଟସ୍ଥ ଜଙ୍ଗଲରେ ଏହା ହୋଇଛି।ତାକୁ ଢେ଼ଙ୍କାନାଳ ଜିଲ୍ଲାର କପିଳାସ ସ୍ଥିତ ଚିଡ଼ିଆଘର କୁ ପଠାଯିବ। ତାଳଚେର ବନାଞ୍ଚଳ ଡେରା ସଂରକ୍ଷିତ ଜଙ୍ଗଲ ନିକଟରେ ବୁଲୁଥିଲା ଏହି ଦନ୍ତା। ସୂଚନାଯୋଗ୍ୟଯେ ଏହି ନରହନ୍ତା ହାତୀଟି ୨୦୧୯ମସିହାରେ ବ୍ରାହ୍ମଣୀ ନଦୀ ପାର ହୋଇ ଢେଙ୍କାନାଳ ବନଖଣ୍ଡରୁ ତାଳଚେର ରେଞ୍ଜ ଅଞ୍ଚଳକୁ ଆସି ୬ ଜଣଙ୍କ ପ୍ରାଣହାନିର କାରଣ ସାଜିଥିଲା । ଏବେ ପୁଣି ଆସି ଉତ୍ପାତ କରୁଥିବା ବେଳେ ବନ ବିଭାଗ ଏକ ସ୍ୱତନ୍ତ୍ର ଟିମ ଗଠନ କରି ଏହାକୁ ଆୟତ୍ତ କରିଛି।
