ନାଲକୋ ସ୍ମେଲଟର ପ୍ଲାଣ୍ଟ ରେ ଟ୍ରଲର ଚାପାରେ ଶ୍ରମିକ ମୃତ

ବର୍ତମାନର ଅତି ଦୁଃଖଦାୟକ ଖବର । ଅନୁଗୁଳ ନାଲକୋ ସ୍ମେଲଟର ପ୍ଲାଣ୍ଟ ର କାଷ୍ଟ ହାଉସ ୨ ରେ ଟ୍ରଲର ତଳେ ଚାପି ହୋଇ ମନୋଜ କୁମାର ପାଲ ନାମକ ୪୫ ବର୍ଷୀୟ ଠିକା ଶ୍ରମିକଙ୍କ ମୃତ୍ୟୁ ଘଟିଛି। ମନୋଜଙ୍କ ଘର ପୁରୁଣାଗଡ ରେ। ସୁରକ୍ଷା ବ୍ୟବସ୍ଥା ରେ ରହିଥିବା ତ୍ରୁଟି ପାଇଁ ଏ ଦୁର୍ଘଟଣା ଘଟିଥିବା କୁହାଯାଉଛି। ବାରମ୍ୱାର ଏହି ପ୍ଲାଣ୍ଟ ରେ ସୁରକ୍ଷା ଜନିତ ତ୍ରୁଟି ଥିବା କଥା କୁହା ଯାଉଥିବା ବେଳେ ନାଲକୋ କର୍ତ୍ତୃପକ୍ଷ କିନ୍ତୁ ଉଚିତ ସୁରକ୍ଷା ବ୍ୟବସ୍ଥା ପ୍ରତି ଆଖି କାନ ବନ୍ଦ କରି ବସିଛନ୍ତି। ନାଲକୋ ର ଲୋକସମ୍ପର୍କ ଅଧିକାରି ଅନେକ ସମୟରେ ଖବର ଚାପିବା ପାଇଁ କିଛି ଗଣମଧ୍ୟାମ ପ୍ରତିନିଧିଙ୍କୁ ପ୍ରଭାବିତ କରିବାର ଅସଫଳ ପ୍ରୟାସ ମଧ୍ୟ କରିଛନ୍ତି। ଏପରି ନ କରି ନାଲକୋ କର୍ତ୍ତୃପକ୍ଷ ପ୍ଲାଣ୍ଟ ଭିତରେ ଉପଯୁକ୍ତ ସୁରକ୍ଷା ବ୍ୟବସ୍ଥା ଉପରେ ପଦକ୍ଷେପ ଗ୍ରହଣ କଲେ ଅନେକ ଜୀବନ ଅସମୟେ ଚାଲିଯିବାରୁ ବଞ୍ଚିଯାନ୍ତେ।