ଭଦ୍ରକରେ ଭଣ୍ଡ ବାବା ସାରଥି ଓରଫ ସନ୍ତୋଷ ରାଉଳ ପ୍ରୀତି ସ୍ୱରୂପ ମଠସାହିରେ ଚାଲିଥିଲାି ଅନ୍ଧ ଭକ୍ତଙ୍କ ଲୁଚାଛପା କାରନାମା ଯେଉଁଠି ଟାଉନ ପୋଲିସ ପହଞ୍ଚି କରିଥିଲା ତଦନ୍ତ ଆରମ୍ଭ l ସାରଥୀ ବାବାଙ୍କ ଭଜନ କୀର୍ତ୍ତନ ଚାଲୁଥିବା ସମୟରେ ପୋଲିସର ଚଢ଼ାଉ ବେଳେ ଘଟଣାସ୍ଥଳରୁ ଭକ୍ତ ମାନେ ଫେରାର ହୋଇ ଥିବା ସୂଚନା l ସୂଚନା ଅନୁଯାୟୀ ସହରାଞ୍ଚଳ ଥାନା ଅନ୍ତର୍ଗତ ମଠସାହି ଅଞ୍ଚଳରେ ପ୍ରାୟ ୩ ମାସ ହେବ ଭଣ୍ଡ ସାରଥୀ ବାବାଙ୍କ ଉଦ୍ଧେଶ୍ୟରେ ବିଭିନ୍ନ ଆଧ୍ୟାତ୍ମିକ କାର୍ଯ୍ୟକ୍ରମ ମାନ ଏକ ଭଡା ଘରେ ହୋଇ ଆସୁଥିଲା l ତେବେ କାଲି ସନ୍ଧ୍ୟା ସମୟରେ ସାରଥିଙ୍କ ସତସଂଘ ପାଇଁ ପ୍ରସ୍ତୁତି ଚାଲିଥିବା ବେଳେ ସ୍ଥାନୀୟ ବାସିନ୍ଦା ପୋଲିସକୁ ଖବର ଦେବା ପରେ ଟାଉନ ପୋଲିସ ସମ୍ପୃକ୍ତ ସ୍ଥାନ ରେ ଚଢ଼ାଉ କରିଥିଲା l ଚଢ଼ାଉ ସମୟରେ ସାରଥୀ ଙ୍କ କିଛି ଭକ୍ତ ଫେରାର ହୋଇଯାଇଥିଲେ l ଭଣ୍ଡ ବାବାଙ୍କ ଭଜନ କୀର୍ତ୍ତନ ଉପରେ କଟକଣା ଲାଗିବା ସତ୍ୱେ ସମ୍ପୃକ୍ତ ଅଞ୍ଚଳରେ କିଛି ଲୋକ ଉକ୍ତ କାର୍ଯ୍ୟକ୍ରମ ଆୟୋଜନ କରୁଥିବାରୁ କିଛି ସମୟ ପାଇଁ ଘଟଣା ସ୍ଥଳରେ ଉତ୍ତେଜନା ଦେଖାଯାଇଥିଲା l ଜ଼ିଲ୍ଲା ର ବିଭିନ୍ନ ଅଂଚଳରୁ ସାରଥୀଙ୍କ ଭକ୍ତ ଆସି ପ୍ରତେକ ଦିନ ବାବାଙ୍କ ଭଜନ କୀର୍ତ୍ତନ ସହ ପ୍ରବଚନ କାର୍ଯ୍ୟକ୍ରମ କରୁଥିଲେ l ଭଣ୍ଡ ସାରଥିଙ୍କୁ ସର୍ତ୍ତମୂଳକ ଜାମିନ୍ ମିଳିଥିବା ବେଳେ ଭଦ୍ରକ ମଠ ସାହିରେ ଭଡା ଘରେ ଶ୍ରୀକାନ୍ତ ବାରିକ୍ ନାମକ ବ୍ୟକ୍ତି ରହି ଏହିସବୁ କାର୍ଯ୍ୟକ୍ରମର ଆୟୋଜନ କରୁଥିବାର ଜଣାପଡିଛି।
