ନୂଆପଡ଼ା ଜିଲ୍ଲା ଖଡ଼ିଆଳ ଥାନା ସରଗାଦି ନୂଆପଡ଼ା ଗାଁ ରେ ଦେଖାଦେଇଛି ଏକ ଅଭାବନୀୟ ଘଟଣା । ପାଣିରେ ବୁଡି ଦୁଇ ଭଉଣୀ ଙ୍କ ମୁର୍ତ୍ୟୁ ରେ ଅଂଚଳରେ ଶୋକର ଛାୟା ଖେଳିଯାଇଛି । ସୂଚନା ମୁତାବକ ଅରେଡା ପଞ୍ଚାୟତ ମୋହରା ଗାଁ ର ସୁନ୍ଦର ବଘେଲ ଦିର୍ଘ ବର୍ଷ ହେବ ଛତିଶଗଡ଼ ରାୟପୁର ସହରରେ ରହି ଆସୁଛନ୍ତି । କିଛିଦିନ ହେବ ସୁନ୍ଦର ନିଜ ଦୁଇ ଝିଅକୁ ଧରି ନିଜ ମାମୁଁ ଘର ସରଗାଦି ନୂଆପଡା କୁ ଆସିଥିଲେ । ଗତକାଲି ସନ୍ଧ୍ୟା ସମୟରେ ନିଜ ଆଇ ଙ୍କ ସହ ଦୁଇ ଭଉଣୀ ଗାଁ ପାଖରେ ଥିବା ପୋଖରୀ କୁ ଗାଧୋଇବା ପାଇଁ ଯାଇ ଥିଲେ, ଗାଧୋଇବା ସମୟରେ ଖେଳିଖେଳି ଦୁଇ ଭଉଣୀ ଗଭୀର ପାଣିକୁ ଚାଲିଯାଇ ଆଉ ବାହାରକୁ ଆସିପାରିନଥିଲେ । ବୃଦ୍ଧ ଆଇ ଦୁଇ ଭଉଣୀ କୁ ଉଦ୍ଧାର କରିବାକୁ ପ୍ରୟାସ କରିଥିଲେ ହେଁ ବିଫଳ ହୋଇଥିଲେ । ପରେ ଚିତ୍କାର କରିବାରୁ ପାଖରେ ଥିବା ଲୋକଙ୍କ ସହ ପରିବାର ପହଂଚି ଦୁଇ ଭଉଣୀ କୁ ଦିର୍ଘ ଏକ ଘଣ୍ଟା ପରେ ପାଣି ରୁ ବାହାର କରିଥିଲେ । ସେହି ସମୟ ବେଳ କୁ ଦୁଇ ଭଉଣୀ ଙ୍କ ମୁର୍ତ୍ୟୁ ହୋଇସାରିଥିଲା ।ଏ ନେଇ ଖଡ଼ିଆଳ ପୋଲିସ କୁ ଖବର ଦେବାରୁ ଖଡ଼ିଆଳ ପୋଲିସ ଘଟଣା ସ୍ଥଳକୁ ପହଂଚି ଶବ ଦ୍ୱୟ କୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ପରିବାର କୁ ହସ୍ତାନ୍ତର କରିଛି ।ଏହି ଘଟଣା ପରେ ଗାଁ ରେ ଶୋକ ର ଛାୟା ଖେଳିଯାଇଥିବା ବେଳେ ପରିବାର ସଂପୂର୍ଣ୍ଣ ଭାଙ୍ଗିପଡିଛନ୍ତି ।
