ପୂର୍ବ ଶତୃତାକୁ କେନ୍ଦ୍ର କରି ଯୁବକଙ୍କୁ ଗଳାକାଟି ବିଭତ୍ସ ହତ୍ୟା ଅଭିଯୋଗ।ମୃତକ ହେଲେ ଯାଜପୁର ଟମକା ଥାନା ଅନ୍ତର୍ଗତ ଜନିନ୍ଦାପାଳ ଗାଁର ନିରଞ୍ଜନ ସାହୁ। ଗତ କାଲି ସନ୍ଧ୍ୟାରେ ନିରଞ୍ଜନ ଙ୍କୁ ହତ୍ୟା କରାଯାଇଛି। ଆଜି ସକାଳେ ତାଙ୍କ ମୃତ ଦେହକୁ ପୋଲିସ ଉଦ୍ଧାର କରି ତଦନ୍ତ ଆରମ୍ଭ କରିଛି।ସାଇଣ୍ଟିଫିକ ଟିମ ଏହି ତଦନ୍ତରେ ସହଯୋଗ କରୁଛି।ପୂର୍ବରୁ ନିରଂଜନ ଙ୍କ ସହିତ ଗାଁର କେତେକ ବ୍ୟକ୍ତି ଙ୍କ ସହିତ ଶତ୍ରୁତା ଥିଲା ବୋଲି ପରିବାର ଲୋକେ ସୂଚନା ଦେଇଛନ୍ତି । ହତ୍ୟାକାଣ୍ଡ ପ୍ରତିବାଦରେ ଗ୍ରାମବାସୀ ବ୍ରାହ୍ମଣୀପାଳ ଦୀର୍ଘ ସମୟ ଡୁବୁରୀ ରାସ୍ତା ଅବରୋଧ କରିଥିଲେ । ଖବର ପାଇ ଟମକା ପୋଲିସ ଘଟଣାସ୍ଥଳରେ ପହଞ୍ଚି ଲୋକମାନଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା । ଏଥିସହ ନିରଞ୍ଜନଙ୍କ ମୃତ ଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।ଖୁବଶୀଘ୍ର ହତ୍ୟାକାରି ଧରା ପଡିବେ ବୋଲି ଥାନା ଅଧିକାରୀ ସୂଚନା ଦେଇଛନ୍ତି।
