ଅନୁଗୁଳ ଜିଲ୍ଲା ନାଲକୋନଗର ଥାନା ସମ୍ମୁଖରେ ଆଜି ଅପରାହ୍ନ ୪ ଟା ସମୟରେ ଟ୍ରକ ଧକ୍କାରେ ଯୁବକ ମୃତ। ସୂଚନା ଅନୁସାରେ ନାଲକୋନଗର ଅଞ୍ଚଳର ମନୋରଞ୍ଜନ ନାୟକ ନାମକ ଜଣେ ଯୁବକ ବଅଁରପାଳ ପଟରୁ ଏକ ସ୍କୁଟିରେ ନାଲକୋ ଆଡ଼କୁ ଆସୁଥିଲେ । ତେବେ ଜାତୀୟ ରାଜପଥ- ୫୫ର ନାଲକୋନଗର ଥାନା ସମ୍ମୁଖରେ ଏକ ଟ୍ରକ ତାଙ୍କୁ ଧକ୍କା ଦେଇଥିଲା। ଘଟଣା ସ୍ଥଳରେ ହିଁ ମନୋରଞ୍ଜନଙ୍କ ମୃତ୍ୟୁ ହୋଇଥିଲା । ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡି ଦୁଇଟିକୁ ଜବତ କରି ତଦନ୍ତ ଆରମ୍ଭ କରିଛି।
