ଅନୁଗୁଳ ଜିଲ୍ଲାରେ ହାତୀ ଆକ୍ରମଣରେ ପୁଣି ଜଣଙ୍କର ମୃତ୍ୟୁ ହୋଇଛି । ମହୁଲ ଗୋଟାଇବାକୁ ଯାଇଥିବାବେଳେ ଜଣେ ବୃଦ୍ଧାଙ୍କୁ ହାତୀ ଆଜି କଚାଡି ମାରି ଦେଇଛି । ଘଟଣାରୁ ପ୍ରକାଶ ଯେ ଜିଲ୍ଲାର ଛେଣ୍ଡିପଦା ତାଳବୁରି ସାହିର ଲବଙ୍ଗ ପ୍ରଧାନ ଏମ.ସି.ଏଲ. ବାଉଣ୍ଡାରୀ ପଛ ପାଖକୁ ସକାଳୁ ମହୁଲ ଗୋଟାଇବାକୁ ଯାଇଥିଲେ । ତେବେ ସେଠାରେ ସେ ମହୁଲ ଗୋଟାଉଥବା ବେଳେ ହଠାତ ଏକ ହାତୀ ହାବୁଡ଼ରେ ପଡି ଯାଇଥିଲେ । ହାତୀ ଲବଙ୍ଗଙ୍କୁ ଶୁଣ୍ଢରେ ଟେକି କଚାଡି ଦେଇଥିଲା । ଫଳରେ ଘଟଣା ସ୍ଥଳରେ ହିଁ ଲବଙ୍ଗଙ୍କର ମୃତ୍ୟୁ ହୋଇଥିଲା । ଖବର ପାଇ ପରିବାର ଏବଂ ଗ୍ରାମବାସୀ ଘଟଣା ସ୍ଥଳରେ ପହଞ୍ଚିଥିଲେ । ହାତୀ ଆକ୍ରମଣରେ ଲବଙ୍ଗଙ୍କ ମୃତ୍ୟୁ ଯୋଗୁଁ ଘଟଣା ସ୍ଥଳରେ ସାମାନ୍ୟ ଉତ୍ତେଜନା ପରିସ୍ଥିତି ଦେଖା ଦେଇଛି । ବନ ବିଭାଗ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛନ୍ତି ।
