ବଲାଙ୍ଗିରର କୁଖ୍ୟାତ ଅପରାଧୀ ଟିମନ ଓରଫ୍ ଶ୍ରୀକାନ୍ତ କୁମ୍ଭାର ଓ ତାର ଟିମ୍ ପୁଣି ସକ୍ରିୟ ହୋଇଛନ୍ତି।ହତ୍ୟା , ଲୁଟ , ଜମି , ମାଫିଆ ,ଜମି ଅଧିକାରଣ, ଅପହରଣ ଭଳି ସଂଙ୍ଗିନ୍ ମାମଲାରେ ଜେଲ ଯାଇଥିବା ଟିମନ ଓ ତାର ସହଯୋଗୀ ଏବେ ପୁଣି ଏହି ସବୁ କାମ ଆରମ୍ଭ କରିଛନ୍ତି। ଯେଉଁଥିରେ ଟିମନ ଓ ତାର ସହଯୋଗୀ ଖୁ୍ଟ୍ ପାଲି ଗ୍ରାମର ପୁରୁସୋତ୍ତମ ପୁଟେଲ ଓ ତାର ସାନ ଭାଇ ଘନଶ୍ୟାମ ପୁଟେଲ କୁ ପ୍ରଥମେ ଅପହରଣ କରି ମରଣାତ୍ମକ ଆକ୍ରମଣ କରିଥିବାର ବଲାଙ୍ଗୀର ସଦର ଥାନାରେ ଲିଖିତ ଭାବେ ଅଭିଯୋଗ ହୋଇଛି। ଏହି ମାମଲାରେ ପୋଲିସ ତଦନ୍ତ କରି ଟିମନ ର ସହଯୋଗୀ ଦିଲ୍ଲୀପ କୁମ୍ଭାର ଙ୍କୁ ଗିରଫ କରିଛି। ସେହିପରି ଏହି ମାମଲାର ମୁଖ୍ୟ ଅଭିଯୁକ୍ତ ଟିମନ ଓ ଅନ୍ୟମାନେ ଫେରାର ଥିବାର ସୂଚନା ପୋଲିସ ଦେଇଛି ।ଏହି ମାମଲାରେ ପୋଲିସ କେଶ ନଂ ୧୨୫/୧୯ , ମାମଲା ରୁଜୁ କରିଛି । ଏବଂ ଅଧିକ ତଦନ୍ତ ଜାରି ରଖିଥିବାବେଳେ ଫେରାର ଥିବା ଅଭିଯୁକ୍ତ ମାନଙ୍କୁ ଧରିବା ପାଇଁ ତନାଘନା ଜାରି ରଖିଛି ବଲାଙ୍ଗିର ପୋଲିସ ।
