ଅନୁଗୁଳ ଜିଲ୍ଲା ନାଲକୋ ସିପିପି ଛକ ନିକଟସ୍ଥ ପେଟ୍ରୋଲ ପମ୍ପ ସମ୍ମୁଖରୁ ଲକ୍ଷାଧିକ ଟଙ୍କାର ସୁନା, ରୂପା ଓ ନଗଦ ରାଶି ଡକାୟତି। ଗତକାଲି ବିଳମ୍ବିତ ରାତିରେ ସିପିପି ଛକ ନିକଟରେ ରହୁଥିବା ବରଦା ପ୍ରସନ୍ନ ପଟ୍ଟନାୟକ ଘରେ ଶୋଇଥିବା ସମୟରେ ପ୍ରାୟ ୫ ରୁ ୬ ଜଣ ଦୁର୍ବୁତ୍ତ କବାଟ ତାଡି ଘରେ ପଶିଥିଲେ ଓ ପରିବାର ଲୋକଙ୍କୁ ବାନ୍ଧି ପକାଇ ବାଡ଼ି, ମାରଣାସ୍ତ୍ର ଦେଖାଇ ଭୟଭୀତ କରି ଘରେ ଥିବା ୮ ରୁ ୧୦ ଲକ୍ଷ ଟଙ୍କାର ସୁନା, ରୂପା ଗହଣା ଓ ୨୦ ରୁ ୩୦ ହଜାର ନଗଦ ରାଶି ନେଇ ଚମ୍ପଟ ମାରିଲେ।ଏନେଇ ନାଲକୋ ଥାନାରେ ବରଦା ପ୍ରସନ୍ନ ଅଭିଯୋଗ କରିବା ପରେ ଥାନାଧିକାରିଣୀ ସରୋଜିନୀ ସାମାଡ଼ ଘଟଣା ସ୍ଥଳରେ ପହଞ୍ଚି ଛାନଭିନ ଚଳାଇଛନ୍ତି ଓ ସନ୍ଧାନୀ କୁକୁରର ସହାୟତା ମଧ୍ୟ ନିଆଯାଇଛି।
