ଅନୁଗୁଳ ଜିଲା ମାଧପୁର -ବାମୁର ରାସ୍ତା ନୂଆଗାଁ ନୂଆସାହି ନିକଟରେ ଏକ ଅଜଣା ଗାଡି ଧକାରେ ଦୁଇ ମୋଟର ସାଇକେଲ ଆରୋହି ମୃତ ଓ ଜଣେ ସାମାନ୍ୟ ଆହତ । ମୃତକ ହେଲେ ଠାକୁରଗଡ଼ ଥାନା ଆମସରମୁଣ୍ଡା ପଞ୍ଚାୟତ ତାଳମଳିହା ଗ୍ରାମର ଚିତ୍ତରଞ୍ଜନ ସାହୁ ଓ ବିକାଶ ସାହୁ। ସୂଚନା ଅନୁଯାୟୀ ଚିତ୍ତରଞ୍ଜନ ସାହୁ , ବିକାଶ ସାହୁ ଓ ସୁଜିତ ପ୍ରଧାନ ମାନଯୋର ଡ୍ୟାମ୍କୁ ଭୋଜି କରିବା ପାଇଁ ଆସିଥିଲେ । ସେମାନେ ମସଲା ଗ୍ରାଇଣ୍ଡିଂ ପାଇଁ ସ୍ଥାନୀୟ ମାଧପୁର ବଜାରକୁ ଆସୁଥିବା ସମୟରେ କୌଣସି ଏକ ଗାଡି ସେମାଙ୍କଙ୍କୁ ଧକ୍କା ଦେଇଥିଲା ଓ ଗୁରୁତର ଅବସ୍ଥାରେ ସେମାନଙ୍କୁ ମାଧପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ଚିତ୍ତରଞ୍ଜନଙ୍କୁ ମୃତ ଘୋଷଣା କରିଥିଲେ । ବିକାଶ ସାହୁଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରା ଯାଇଥିବା ବେଳେ ସେଠାରେ ତାଙ୍କର ମଧ୍ୟ ମୃତ୍ୟୁ ହୋଇଛି । ପୋଲିସ ଘଟଣାର ତଦନ୍ତ କରୁଛି ।
