ପୁଣି ନୂଆପଡା ଜିଲ୍ଲା ପୋଲିସ କୁ ମିଳିଛି ଏକ ବଡ଼ ସଫଳତା । ସୂଚନା ଅନୁସାରେ ଜଣେ ହାର୍ଡକୋର୍ଡ଼ ମାଓବାଦୀ ନୂଆପଡା SP ଙ୍କ ପାଖରେ ଆତ୍ମସମର୍ପଣ କରିଛନ୍ତି । ଆତ୍ମସମର୍ପଣ କରିଥିବା ମାଓବାଦୀଙ୍କ ନାଁ ପର୍ଶୁରାମ ଧରୁଆ @ ମଣ୍ଟୁ ତାଙ୍କ ବାପା ଙ୍କ ନାଁ ସୁକଲ ଧରୁଆ ସେ ବୋଡେ଼ନ ବ୍ଲକ ଭାଇଁସାଦାନୀ ପଂଚାୟତ କରିପାଣି ଗାଁର ବୋଲି ଜଣାପଡିଛି । ସେ ୨୦୧୪-୧୫ ମସିହାରେ ପ୍ରଥମେ ନୂଆପଡା ମେନପୁର ମାଓ ସଂଗଠନ ରେ ମିଲିସିଆ ଭାବରେ ଯୋଗଦେଇ ଥିଲେ । ସେ ନୂଆପଡା ଜିଲ୍ଲା ସମେତ କଳାହାଣ୍ଡି ଛତିଶଗଡ଼ ର ଗରିଆବନ୍ଦ ଅଂଚଳରେ ସକ୍ରିୟ ସଦସ୍ୟ ଥିଲେ । ତାଙ୍କୁ ଧରିବା ପାଇଁ ସରକାର ତରଫରୁ ଏକ ଲକ୍ଷ ଟଙ୍କାର ପୁରସ୍କାର ରାଶି ରହିଥିଲା । ଆତ୍ମସମର୍ପଣ କରିଥିବା ପର୍ଶୁରାମ କୁ ମିଶାଇ ପାଞ୍ଚ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି । ପର୍ଶୁରାମ ଙ୍କ ଠାରୁ ଗୋଟିଏ 303 ମଡେଲ ବନ୍ଧୁକ ସହ 15 ରାଉଣ୍ଡ ଗୁଳି ଜବତ କରିଥିବା ନୂଆପଡ଼ା SP ସ୍ମିଥ ପି. ପରମାର ସୂଚନା ଦେଇଛନ୍ତି ।
