ଅନୁଗୁଳ ଜିଲ୍ଲାର ନାଲକୋ ଥାନା ନାଲକୋ ଆସ ପଣ୍ଡ ନିକଟରେ ଆଜି ମଧ୍ୟାହ୍ନ ସମୟରେ କିଛି ଦୁର୍ବୁତ୍ତ ଜଣେ ଯୁବକଙ୍କୁ କଟୁରୀରେ ମରଣାତ୍ମକ ଆକ୍ରମଣ କରିଥିବା ସୂଚନା ମିଳିଅଛି । ନାଲକୋ ଥାନା ବଳରାମ ପ୍ରସାଦ ଗ୍ରାମ ପଞ୍ଚାୟତ କେନ୍ଦୁ ପାଟଣା ସାହିର ଯୁବକ ସୁଧୀର କୁମାର ବେହେରାଙ୍କୁ ପୂର୍ବ ଶତ୍ରୁତାକୁ କେନ୍ଦ୍ର କରି କିଛି ଦୁର୍ବୁତ୍ତ ଆକ୍ରମଣ କରିଥିବା ଅଭିଯୋଗ ହେଉଅଛି । ମଧ୍ୟାହ୍ନ ସମୟରେ ନାଲକୋ ପାଉଁଶ ପୋଖରୀକୁ ଗାଈ ଖୋଜି ଯାଇଥିବା ବେଳେ କିଛି ଯୁବକ ଗୋଡ଼ାଇ ଗୋଡ଼ାଇ ମାରଣାସ୍ତ୍ର ଦ୍ୱାରା ସୁଧୀରଙ୍କୁ ହାଣିଥିଲେ ଫଳରେ ପିଠି ଓ ହାତରେ ଶକ୍ତ ଆଘାତ ଲାଗିଥିବା ଜଣା ପଡ଼ିଛି । ଘଟଣା ସ୍ଥଳରେ ଏକ ବାଇକ ସହ କଟୁରି ପଡି ରହିଥିବା ବେଳେ ସୂଚନା ପାଇ ନାଲକୋ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଅଛି ।
