ଅନୁଗୋଳ ବ୍ଲକ ଟାଇଁସି ଗ୍ରାମର ଅନୁଷ୍ଠାନ ସେବା ଯୁବ ସଂଗଠନ ଓ ଚୌଧୁରୀ ପ୍ରଧାନ ଚାରିଏଟେବୁଲ ଟ୍ରଷ୍ଟ ମିଳିତ ଅାନୁକୁଲ୍ୟରେ ଅାଜି ସ୍ଥାନୀୟ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଅଛି ।ଶିବିରରେ ୪୦ ୟୁନିଟ ରକ୍ତ ସଂଗ୍ରହ କରାଯାଇଥିଲା ।ରକ୍ତ ଅଭାବରୁ କାହାରିକୁ ମରିବାକୁ ଦିଅାଯିବ ନାହିଁ । ଏହି ଚିନ୍ତାଧାରାକୁ ନେଇ ପ୍ରତିବର୍ଷ ଖରାଦିନେ ସ୍ୱେଚ୍ଛାସେବୀ ଅନୁଷ୍ଠାନ ରକ୍ତଦାନ ଶିବିର ଅନୁଷ୍ଠିତ କରୁଛି । ଏହି ରକ୍ତଦାନ ଶିବିରରେ ଅନୁଷ୍ଠାନ ପକ୍ଷରୁ ଅାଠମଲ୍ଲିକ କୁରୁମଟାପ ଗ୍ରାମର ବାଲୁକାଶିଳ୍ପୀ ରୁବେଲାଲ ପ୍ରଧାନଙ୍କ ଦ୍ୱାରା ରକ୍ତଦାନର ଉତ୍ତମ ବାର୍ତ୍ତା ନେଇ ଏକ ବାଲୁକା କଳା ପ୍ରଦର୍ଶନ କରାଯାଇଥିଲା ।ଏହି ରକ୍ତଦାନ ଶିବିରରେ ଅନୁଗୋଳ ରକ୍ତଭଣ୍ଡାର କର୍ମଚାରୀ ରକ୍ତ ସଂଗ୍ରହ କରିଥିଲେ । ଜନକଲ୍ୟାଣ କାର୍ଯ୍ୟକ୍ରମ ପାଇଁ ଅନୁଷ୍ଠାନକୁ ସମାଜସେବୀ କୀନ୍ନର ଚିନ୍ମୟୀ ଦାସ ଉପହାର ଦେଇ ସମ୍ମାନୀତ କରିଥିଲେ ।
