ଆଜି ମଧ୍ୟାହ୍ନ ପ୍ରାୟ ୧୨ଟା ସମୟରେ ଏକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି। ମୃତ୍ୟୁ ହୋଇଥିବା ବୃଦ୍ଧ ଜଣକ ହେଲେ ଜରପଡା ଥାନା ଅନ୍ତର୍ଗତ ପରା ଗ୍ରାମର ବିଷ୍ଣୁ ପଣ୍ଡା (୬୫)। ଘଟଣାଟି ଘଟିଛି ପୁରୁଣାକୋଟ ଥାନା ଅନ୍ତୁଳିଅା ନିକଟସ୍ଥ ପୋଲ ନିକଟରେ । ଟାଇଁସି ଧଉରାଗୋଠ ଅଞ୍ଚଳର ଦୁଇ ଜଣ ଯୁବକ ବାଇକ ନମ୍ବର ଓଡି ୧୯ ବି ୩୮୨୪ରେ ଅନ୍ତୁଳିଅା ରୁ ଟାଇଁସି ଅଭିମୁଖେ ଆସୁଥିବା ବେଳେ ଟାଇଁସି ପାଖରୁ ବିଷ୍ଣୁ ପଣ୍ଡା ବାଇକ ନମ୍ବର ଓଅାର ୧୯ ଇ ୬୯୬୬ରେ ଟାଇଁସି ନୂଅାପଡାରେ ହୋମ ସାରି ନିଜ ଘରକୁ ଫେରୁଥିବା ସମୟରେ ପୋଲ ଉପରେ ଉଭୟଙ୍କ ମଧ୍ୟରେ ସାମ୍ନା ସାମ୍ନି ଧକ୍କା ହୋଇଥିଲା । 
ଧକ୍କା ହେବା ଫଳରେ ବିଷ୍ଣୁ ପଣ୍ଡାଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା। ଅନ୍ୟ ଦୁଇ ଯୁବକ ଗୁରୁତର ହେବାରୁ ତାଙ୍କୁ ଅନୁଗୋଳ ମୁଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ପଠାଯାଇଅଛି ।ଘଟଣା ସ୍ଥଳରେ ଜରପଡା ପୋଲିସ ପହଞ୍ଚି ଗାଡି ଦ୍ୱୟକୁ ଜବତ କରିଛି ।
