ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଅଞ୍ଚଳରେ ଆଜି ହାତୀ ଆକ୍ରମଣରେ ପୁଣି ଜଣଙ୍କର ଜୀବନ ଯାଇଛି । ଧାଙ୍ଗୁରୁମୁଣ୍ଡା ଗାଁରେ ହାତୀ ଆକ୍ରମଣରେ ବାରମଞ୍ଚା ଗାଁର ଅବସରପ୍ରାପ୍ତ ଶିକ୍ଷକ ହୃଷିକେଶ ନାଏକଙ୍କ ମୃତ୍ୟୁ ହୋଇଛି । 
ସୂଚନା ଅନୁସାରେ ହୃଷିକେଶ ଆଜି ଚାଷ କାମରେ ବ୍ୟବହୃତ ଲଙ୍ଗଳ ଲୁହା ଧାରୁଆ ପାଇଁ ତେବୁଡୁ ଗାଁକୁ ଯାଇଥିଲେ । କମାରଶାଳ ରୁ ସେ ଫେରୁଥିବା ବେଳେ ଧାଙ୍ଗୁରୁମୁଣ୍ଡା କୋଠ ଘର ନିକଟରେ ତାଙ୍କୁ ଏକ ହାତୀ ଆକ୍ରମଣ କରିଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ହାତୀ ଆକ୍ରମଣ ପରେ ମଧ୍ୟ ଗାଁ ମୁଣ୍ଡରେ ରହିଥିବା ଜଣା ପଡ଼ିଛି । ଫଳରେ ଗାଁ ଲୋକଙ୍କ ଭିତରେ ଭୟର ବାତାବରଣ ଖେଳି ଯାଇଛି ।
