ଅନୁଗୁଳ ଜିଲ୍ଲାରେ ହାତୀ ଆକ୍ରମଣରେ ପୁଣି ଜଣଙ୍କର ମୃତ୍ୟୁ ହୋଇଛି । ବିଳମ୍ବିତ ରାତିରେ ଘରେ ଶୋଇଥିବା ବେଳେ ହାତୀ ଘର ଭାଙ୍ଗିବା ସହ ଜଣେ ମହିଳାଙ୍କୁ ଦଳି ମାରିଛି । ମିଳିଥିବା ସୂଚନା ଅନୁସାରେ ହଣ୍ଡପା ଥାନା କମରେଇ ଗାଁର ଦେବକୀ ବେହେରା ନାମକ ଜଣେ ମହିଳା ତାଙ୍କ ଚାଳ ଛପର ଘରେ ଏକୁଟିଆ ଶୋଇଥିଲେ । ରାତି ପ୍ରାୟ ୧ ଟା ବେଳେ ଏକ ଦନ୍ତା ଗାଁ ନିକଟକୁ ଆସିବା ସହ ଦେବକୀ ଶୋଇଥିବା ଘରଟିକୁ ଭାଙ୍ଗି ଦେଇ ଦେବକୀଙ୍କୁ ଦଳି ଦେଇ ଥିଲା । ଫଳରେ ଘଟଣା ସ୍ଥଳରେ ହିଁ ଦେବକୀଙ୍କ ମୃତ୍ୟୁ ହୋଇଥିଲା ।
