ହାତୀ ଆକ୍ରମଣରେ ଅନୁଗୁଳ ଜିଲ୍ଲା କଣିହାଁ ରେଞ୍ଜ ସୁଲେଇପାଳ ଗାଁରେ ଦୁଇ ଜଣଙ୍କର ମୃତ୍ୟୁ ହୋଇଛି । ମୃତକ ମାନେ ହେଲେ ଦେବରାଜ ସାମଲ ଏବଂ ସୁଧାକର ମହାନ୍ତି । ଏମାନେ ଗତକାଲି ଅପରାହ୍ନରେ ଗାଁ ପାଖ ବିଲକୁ ଖତ ବିଛାଇବାକୁ ଯାଇ ଘରକୁ ଫେରି ନଥିଲେ। ବହୁ ଖୋଜାଖୋଜି ପରେ ଗାଁ ନିକଟରୁ ଉଭୟଙ୍କ ମୃତଦେହ ଉଦ୍ଧାର ହୋଇଛି ଓ ଉଭୟଙ୍କ ମୃତ୍ୟୁ ହାତୀ ଆକ୍ରମଣରେ ହୋଇଥିବା ଜଣାପଡିଛି। ଏଥି ମଧ୍ୟରୁ ଦେବରାଜ ସାମଲଙ୍କ ମୃତଦେହକୁ ତାଳଚେର ସଦର ଚିକିତ୍ସାଳୟକୁ ଅଣାଯାଇଛି ।ସୁଧାକର ମହାନ୍ତିଙ୍କର ମୃତଦେହ ସୁଲେଇପାଳ ଗାଁରେ ରହିଛି ।
