ଅନୁଗୁଳ ଜିଲ୍ଲା ଜରସିଂହା ଗାଁ ରେ ଗତ ବିଳମ୍ବିତ ରାତିରେ ଟ୍ରକ ଚାପାରେ ଜଣେ ଯୁବକଙ୍କ ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା। ଘଟଣା ରୁ ପ୍ରକାଶ ଯେ ଜରସିଂହା ଗାଁ ର ଜୟନ୍ତ ସାହୁ ନାମକ ଜଣେ ଯୁବକ ବିଳମ୍ବିତ ରାତିରେ ଏକ ଘରୋଇ କମ୍ପାନୀରୁ କାମ ସାରି ଘରକୁ ଫେରୁଥିବା ବେଳେ ସମ୍ମୁଖରୁ ଆସୁଥିବା ଏକ କୋଇଲା ବୋଝେଇ ଟ୍ରକ ତାଙ୍କୁ ଧକ୍କା ଦେଇଥିଲ ଓ ଦୁର୍ଘଟଣା ସ୍ଥଳରେ ହିଁ ଜୟନ୍ତଙ୍କ ମୃତ୍ୟୁ ହୋଇଥିବା ବେଳେ ଦୁର୍ଘଟଣା ଘଟାଇ ଥିବା ଟ୍ରକଟି ଫେରାର ହୋଇ ଯାଇଥିଲା । ପ୍ରତିକ୍ରିୟା ସ୍ୱରୂପ ଲୋକ ସେହି ରାସ୍ତାରେ ଯାଉଥିବା ୪-୫ ଟି ଟ୍ରକକୁ ଭଙ୍ଗାରୁଜା କରିଛନ୍ତି ଓ ରାସ୍ତା ଅବରୋଧ କରି କ୍ଷତିପୂରଣ ଦାବି କରିଛନ୍ତି । ଫଳରେ ଅନୁଗୁଳ – ଛେଣ୍ଡିପଦା ରାସ୍ତାରେ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିଲା ।
