ଅନୁଗୁଳ ଜିଲ୍ଲା ସମଲ ଥାନା ୧୪୯ ନମ୍ବର ଜାତୀୟ ରାଜପଥ ନାହିକାନାଲି ଠାରେ ଏକ ସଡ଼କ ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି । ଭୋର ସମୟରେ ଅଜଣା ଟ୍ରକ୍ ଏକ କାର(OD-14-H-3453) କୁ ଧକ୍କା ଦେବା ଫଳରେ ଏହି ଦୁର୍ଘଟଣା ଘଟିଛି । ଘଟଣାରୁ ପ୍ରକାଶ ଯେ କାରରେ ଥିବା ଲୋକେ ଖୋର୍ଦ୍ଧାର ଏକ ବାହାଘରରୁ ରାଉଲକେଲା ଫେରୁଥିବା ବେଳେ ଏହି ଦୁର୍ଘଟଣା ହୋଇଥିଲା ଯା ଫଳରେ କାରରେ ଥିବା ୫ ଜଣ ବ୍ୟକ୍ତିଙ୍କ ମଧ୍ୟରୁ ୩ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଅଛନ୍ତି। ସମସ୍ତେ ମୃତାହତ ମାନେ ରାଉଲକେଲା ଅଂଚଳର ବୋଲି ଜଣାପଡୁଛି।ଘଟଣା ସ୍ଥଳରେ ସମଲ ପୋଲିସ ପହଞ୍ଚି ଗୁରୁତରଙ୍କୁ ତାଳଚେର ଉପଖଣ୍ଡ ଡାକ୍ତରଖାନାକୁ ପଠାଇ ତଦନ୍ତ ଆରମ୍ଭ କରିଛନ୍ତି ।ମୃତକ ମାନେ ହେଲେ ଭୁପେସ ସାହୁ ,ଧନୁର୍ଜୟ ନାୟକ ଓ କ୍ରିଷ୍ଣା କୁମାର ସାହୁ । ଆହତ ହେଲେ ସାଗର ବାରିକ ଓ ବିକାଶ କୁମାର ମଙ୍ଗରାଜ ।
