ପଶ୍ଚିମ ଓଡିଶାର ପ୍ରସିଦ୍ଧ ଗଣପର୍ବ ‘ନୂଆଁଖାଇ’ ପାଇଁ ଶୁଭ ଲଗ୍ନ ଧାର୍ଯ୍ୟ ହୋଇଛି ଯା ଅନୁଯାୟୀ ଆସନ୍ତା ସେପ୍ଟେମ୍ବର ତିନି ତାରିଖ ଭାଦ୍ରବ ଶୁକ୍ଳପକ୍ଷ ପଞ୍ଚମୀ ତିଥିରେ ସକାଳ ୧୦ ଟା ୫ ମିନିଟରୁ ୧୦ଟା ୨୦ ମିନିଟ ମଧ୍ୟରେ ଅମୃତ ବେଳାରେ ମା ସମଲେଶ୍ୱରୀଙ୍କ ନିକଟରେ ନବାନ୍ନ ଲାଗି କରାଯିବ।ସମ୍ବଲପୁର ଝାଡୁଆପଡା ସ୍ଥିତ ବ୍ରହ୍ମପୁରା ମନ୍ଦିର ରେ ବସିଥିବା ମହାସଭା ରେ ପାରମ୍ପରିକ ପୂଜାର୍ଚ୍ଚନା ପରେ ପଣ୍ଡିତ ମାନେ ପାଞ୍ଜି ଦେଖି ନୂଆଁଖାଇ ତିଥି ଓ ଲଗ୍ନ ସ୍ଥିର କରିଥିଲେ।
ଏହିପରି ପ୍ରତିବର୍ଷ ଜନ୍ମାଷ୍ଟମୀ ପର ନନ୍ଦ ଉତ୍ସବ ଦିନ ଝାଡୁଆପଡା ବ୍ରହ୍ମପୁରା ମନ୍ଦିର ଟ୍ରଷ୍ଟ ନୂଆଁଖାଇ ନିମନ୍ତେ ଲଗ୍ନ ସ୍ଥିରୀକୃତ ହୋଇଥାଏ।ନୂଆଖାଇ ଅବସରରେ ପ୍ରଥମେ ମା ସମଲେଶ୍ବରୀଙ୍କ ନିକଟରେ ନବ ବସ୍ତ୍ର ଓ ନବାନ୍ନ ଲାଗି କରାଯାଇ ପରେ ଅନ୍ୟ ଦେବଦେବୀଙ୍କୁ ନବାନ୍ନ ଲାଗି ଏବଂ ଶେଷରେ ଲୋକେ ନବାନ୍ନ ଭୋଜନ କରିଥାନ୍ତି।
