ଅନୁଗୁଳ ଜିଲ୍ଲାର ତାଳଚେର କୋଲିୟରୀ ଥାନା ପକ୍ଷରୁ ଶନିବାର ୭ ଜଣ ଅlନ୍ତଃଜିଲ୍ଲା ଲୁଟେରା ଦଳ କୁ ଗିରଫ କରାଯାଇ ସେମାନଙ୍କ ଠାରୁ ୨ଟି ପଲସର ୨୨୦ ବାଇକ, ୧ଟି ଖେଳଣା ବନ୍ଧୁକ , କଟର ମେସିନ, ଲୁଟ ସାମଗ୍ରୀ ମଧ୍ୟରେ ଗୋଟିଏ ଆପୋଲୋ କମ୍ପାନୀର ଲ୍ୟାପଟପ, ୬ ଟି ମୋବାଇଲଫୋନ, ବହୁ ପରିମାଣର ଗ୍ରୋସରୀ ସlମଗ୍ରୀ, ନଗଦ ଟଙ୍କା, କିଛି ଦୋକାନର ଟଙ୍କା ବାକ୍ସ ପ୍ରମୁଖ ଉଦ୍ଧାର ହୋଇଛି । ଏମାନେ ମୁଖ୍ୟତଃ ଘରର ଝରକା ତାଡି କିମ୍ବା ଛାତ କାଟି ଘରେ କଳାକନା ବୁଲାଇ ଦିଅନ୍ତି ବୋଲି ଥାନାଧିକାରୀ ଜଣାଇ ଅଛନ୍ତି । ଗିରଫ ସମ୍ପୃକ୍ତ ବ୍ଯକ୍ତିଙ୍କ ନାମ ରେ ପୂର୍ବରୁ ୩ ଟି ଘର ଚୋରି ଓ ୫ ଟି ରାହାଜାନି କେସ୍ ରହିଛି । ଏଠାରେ ଉଲ୍ଲେଖଯୋଗ୍ୟ ଯେ ଏହି ଲୁଟେରା ଦଳ ରାସ୍ତାରେ ଯାଉଥିବା କୋରିୟର ଗାଡି କୁ ବନ୍ଧୁକ ମୁନରେ ଭୟଭୀତ କରି ଅନଲାଇନ୍ ସାମଗ୍ରୀ ମଧ୍ୟ ଲୁଟ କରନ୍ତି । ଗିରଫ ଯୁବକ ମାନେ ହେଲେ ବିକି ନାଏକ(୨୦ ବର୍ଷ), ଚାରେନ୍ ବାନେରା (୧୯ ବର୍ଷ) , ବଳରାମ ରାଓ (୩୦ ବର୍ଷ),ଚନ୍ଦନ ନାଏକ( ୨୫ ବର୍ଷ ), ପପୁ ନାଏକ (୨୫ବର୍ଷ),ପିଣ୍ଟୁ ଦାସ (୨୧ବର୍ଷ) ଓ ସୁଜିତ୍ ସିଂ (୧୯ବର୍ଷ)। ସମସ୍ତ ଲୁଟେରାଙ୍କୁ କୋର୍ଟ ଚାଲାଣ କରାଯାଇଛି ଯେଉଁଠି ଜାମିନ୍ ନାମଞ୍ଜୁର ହେବାରୁ ସେମାନଙ୍କୁ ତାଳଚେର ଜେଲ କୁ ପଠାଇ ଦିଆଯାଇଛି ।
