ଅନୁଗୁଳ ସହର ସ୍ଥିତ ହେମସୁରପଡା ,ଇଣ୍ଡଷ୍ଟ୍ରି ଛକ କାଳୀ ପୂଜା ଭାଷାଣି ଉତ୍ସବ ଅନୁଷ୍ଠିତ ହେଉଥିବା ବେଳେ ଅଘଟଣ।ଫୁଟୁଥିବା ବାଣ ରୁ ନିଆଁ ପଡି ବାଣ ନେଇ ଯାଉଥିବା ଗାଡ଼ିରେ ନିଆଁ ଲାଗି ବିସ୍ଫୋରଣ ଯେଉଁଥିରେ ଅଳ୍ପକେ ବର୍ତିଲେ ଅଟୋ ଗାଡି ଚାଳକ।ଭଷାଣି କରାଯାଉଥିବା ସମୟରେ ଏକ ଅଟୋରେ ବାଣ ନିଆଯାଉଥିଲା ଓ ଅପରାହ୍ନ ୫ ଟା ସମୟରେ ଇଣ୍ଡଷ୍ଟ୍ରି ଛକ ନିକଟରେ ବାଣ ଫୁଟାଉଥିବା ସମୟରେ ବାଣରୁ ନିଆଁ ଯାଇ ଅଟୋରେ ଥିବା ବାଣ ଉପରେ ପଡି ହଠାତ ବିସ୍ଫୋରଣ ହୋଇଥିଲା।ଅଳ୍ପକେ ଗାଡି ଚାଳକ ବଂଚିଯାଇଥିଲେ ଏବଂ ଏହି ସମୟରେ ବହୁ ଲୋକ ଭଷାଣି ଦେଖୁଥିବା ବେଳେ ସୌଭାଗ୍ୟବସତ ଜୀବନ ହାନି ଘଟିନାହିଁ। ଦମକଳ ବାହିନୀ ପହଂଚି ନିଆଁ କୁ ଆୟତ୍ତ କରିବା ପରେ ମଧ୍ୟ କିଛି ବାଣ ଅଫୁଟା ରହିଥିଲା ଏବଂ ହଠାତ ଫୁଟିବା କୁ ଲାଗିଲା ବେଳେ ଯିଏ ଯେଉଁଆଡ଼େ ଥିଲେ ଦୌଡ଼ିବାକୁ ଲାଗିଥିଲେ।ବିସ୍ଫୋରଣ ହେବା ସ୍ଥାନରେ ବଜାର ଓ ବସ ମଧ୍ୟ ରହିଥିଲା। ବଜାର ଜନଗହଳି ମଧ୍ୟରେ ଏହି ଘଟଣା ଘଟିଥିବା ବେଳେ ସୁରକ୍ଷା ବ୍ୟବସ୍ଥା ନେଇ ପ୍ରଶ୍ନବାଚି। ଭବିଷ୍ୟତରେ କୌଣସି ବି ଭଷାଣି ଉତ୍ସବରେ ପୂଜା କମିଟି କାର୍ଯ୍ୟକର୍ତା ମାନଙ୍କୁ ସମ୍ପୂର୍ଣ୍ଣ ସଜାଗ ଓ ସଚେତନ ହେବାକୁ ପଡ଼ିବ ଯା ଫଳରେ କୌଣସି ଅଘଟଣର ଆଶଙ୍କାକୁ ଏଡ଼ାଇ ଦିଆ ଯାଇ ପାରିବ।
