ଗତ ଦୁଇ ତାରିଖରେ ନାଲକୋ ପୋଲିସ ପେଟ୍ରୋଲିଂ କରୁଥିବା ସମୟରେ ବିଶ୍ୱସ୍ତ ସୂତ୍ରରୁ ଖବର ପାଇଥିଲେ କି ଗିରାଙ୍ଗ ଗ୍ରାମର ସନ୍ତୋଷ କୁମାର ସାହୁ ତାଙ୍କ ପାନ ଦୋକାନରେ ବ୍ରାଉନ ସୁଗାର ବିକ୍ରି କରୁଛନ୍ତି।ସେମାନେ ତା ଦୋକାନରେ ରେଡ଼ କରିଥିଲେ ଓ ଏକ୍ସଜିକ୍ୟୁଟିଭ ମାଜିଷ୍ଟ୍ରେଟ ଓ ସାକ୍ଷୀଙ୍କ ସମ୍ମୁଖରେ ୯.୭୮୦ ଗ୍ରାମର ବ୍ରାଉନ ସୁଗାର ପ୍ୟାକେଟ ଜବତ କରିଥିଲେ। ଆଉ ମଧ୍ୟ ଦୁଇଟି ମୋବାଇଲ, ନଗଦ ୯୬୩୦ ଟଙ୍କା, ତେରଟା ଲାଇଟର ଓ ଗୋଟେ ମୋଟର ସାଇକେଲ ଜବତ କରାଯାଇଛି।ଅଭିଯୁକ୍ତ ତାର ଦୋଷ ସ୍ୱୀକାର କରିଥିଲା ଓ ତାକୁ ଗିରଫ କରାଯାଇ ଆଜି କୋର୍ଟ ଚାଲାଣ କରାଯାଇଛି।ଏ ସମ୍ପର୍କରେ ଅନ୍ୟ ମାନଙ୍କର ସମ୍ପୃକ୍ତି କୁ ନେଇ ପୋଲିସ ଅଧିକ ତଦନ୍ତ ଆରମ୍ଭ କରିଛି।
