କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ନାଗେସ୍ଵରପୁର ଗାଁ ଠାରେ ଥିବା ଏକ ମଦ ଦୋକାନକୁ ସ୍ଥାନୀୟ ମହିଳା ଭାଙ୍ଗି ଦେଇଛନ୍ତି । ଦୋକାନ ତାଲା ଭାଙ୍ଗି ସ୍ଥାନୀୟ ମହିଳା ମାନେ ମଦ ଦୋକାଭିତରେ ପସି ମଦ ଭର୍ତ୍ତି ପେଟି ଗୁଡିକୁ ବାହାରକୁ ଫିଙ୍ଗି ଦେଇଥିଲେ । ବାହାରେ ରହିଥିବା ଅନ୍ୟ ମହିଳା ମାନେ ମଦ ବୋତଲକୁ ଶାବଳ ଓ ବାଉଁଶ ରେ ପିଟି ପିଟି ଭାଙ୍ଗି ଦେଇଥିଲେ । ତେବେ ଏହି ମଦଦୋକାନକୁ ବିରୋଧ କରି ମହିଳା ମାନେ ପୂର୍ବରୁ ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଆସୁଥିଲେ । ମଦ ଦୋକାନ ହଟାଇବାକୁ ବାରମ୍ବାର ଜିଲା ପ୍ରଶାସନ କୁ ଅଭିଯୋଗ କରିଥିଲେ ମଧ୍ୟ ପ୍ରଶାସନ ମଦ ଦୋକାନ ବନ୍ଦ କରିନଥିଲେ । ଫଳରେ ବାଧ୍ୟ ହୋଇ ମହିଳା ମାନେ ଆଇନକୁ ହାତକୁ ନେଇ ନିଜେ ମଦ ଦୋକାନ ହଟେଇ ଦେଲେ । ଏଠାରେ ଏହି ମଦ ଦୋକାନ ଖୋଲା ହେବା ଦିନଠାରୁ ମଦୁଆ ମାନଙ୍କ ଉତ୍ପାତ ବଢିବଢି ଚାଲୁଥିଲା । ଏହି ଗାଁ ଓ ଆଖାପାଖ ଗାଁର ଯୁବକମାନେ ନିଶା ଖୋର ହୋଇ ଏହି ଗାଁର ଝିଅ ବୋହୁ ମାନଙ୍କ ମାନ ସମ୍ମାନ ନେଉଛନ୍ତି ବୋଲି ଅଭିଯୋଗ କରି ଆସୁଥିଲେ ଏହି ମହିଳାମାନେ । ତେବେ ଏହି ଘଟଣାରେ ମଦ ବ୍ୟବସାୟୀଙ୍କ ଅଭିଯୋଗ ଅନୁସାରେ ମଦ ଦୋକାନ ଭାଙ୍ଗିଥିବା ମହିଳା ମାନଙ୍କ ବିରୋଧରେ ମାମଲା ଋଜୁ କରାଯିବ ବୋଲି କେନ୍ଦ୍ରାପଡା ସଦରଥାନା ପୋଲିସ କହିଛନ୍ତି ।
